काठमाडौं । प्रतिनिधिसभा अन्तर्गतको राज्य व्यवस्था तथा सुशासन समितिका सचिव सुरजकुमार दुराले आफूले पद छाडेको बताएका छन् ।

निजामती विधेयकको ‘कुलिङ पिरियड’मा भएको चलखेलमा संलग्न रहेको आरोप लागेपछि दुराले समितिको सचिव पदमा नरहने बताएका हुन् ।

“मैले हिजो नै अब समितिको जिम्मेवारीमा आउदिनँ भनेको छु,“ उनले भने ।
संसद् सचिवालयको सचिव बनेपछि पनि उनले समिति सचिवको जिम्मेवारी पाएका थिए । कुलिङ पिरियडमा छलछाम भएको भन्दै नेपाली राजनीतिमा निकै ठूलो बहस चलेको छ ।

यही समयमा सचिव दुराको राजीनामा आएको छ । एमाले र माओवादी लगायतका सासदहरुले समितिका सभापति रामहरि खतिवडाको पनि राजीनामा मागरेका छन् ।