काठमाडौं । नेकपा (बहुमत)ले आफ्‌नो पार्टीका चितवन जिल्ला सेक्रेटरी ध्रुवलाई प्रतिशोधपूर्ण तरिकाले आज ५ बजे चितवन प्रहरीले गरेको गिरफ्तारीको घोर भत्र्सना गरेको छ ।

सो पार्टीको ३ नम्बर ब्यूरो ईन्चार्ज दिपकले आज एक विज्ञप्तिमार्फत् सेक्रेटरी ध्रुवको गिरफ्‌तारीको भत्सर्ना गरेका हुन् ।
विज्ञप्तिमा ईन्चार्ज दिपकले देशमा व्याप्त कुशासन, बेथिति र सामाजिक विभेदका बिरूद्ध निरन्तर र दृढतापूर्वक संघर्ष गरिरहेको पार्टीका नेतालाई बिनाकारण गिरफ्‌तार गर्नु जनताको न्यायपूर्ण आवाज माथि दमन गर्नु हो भन्दै सेक्रेटरी ध्रुवलाई तत्काल रिहा गर्न माग पनि गरेका छन् ।

आफ्‌नो पार्टीले दलाली, माफियागिरी र भ्रष्टाचार बिरूद्ध जनआवाजको नेतृत्व गरिरहेको भन्दै दिपकले वर्तमान दलाल पुँजीवादी व्यवस्थाको अन्त्य तथा समाजवादी गणतन्त्रको स्थापनाबाट मात्रै वास्तविक सुशासन सम्भव भएको बताएका छन् ।

विज्ञप्तिमा उनले जमिनमाथि नागरिकको जन्मसिद्ध अधिकार स्थापित हुनुपर्ने आफ्‌नो पार्टीको नीति रहेको बताउँदै शिक्षा र स्वास्थ पूर्ण निःशुल्क हुनुका साथै कृषि र उद्योगको समुचित सम्बन्धकासाथ राज्य नेतृत्वको अर्थप्रणाली लागू हुनुपर्ने स्पष्ट पारेका छन् ।

विज्ञप्तिमा दिपकले आफ्‌नो पार्टीको यही लोकप्रिय कार्यक्रमको माग गर्दै जनआन्दोलनको उठान गरिरहेको समयमा आफ्‌नो पार्टीका चितवन सेक्रेटरी ध्रुवलाई गिरफ्तार गरिएकोमा बिरोध गर्दै उनको यथासिघ्र रिहाईको लागि दवाब सिर्जना गर्न आमजनता र जनपक्षधर मित्रहरूमा अनुरोध गरेकाछन् ।