काठमाडौं, कात्तिक ११ — एघार वटा कम्युनिस्ट पार्टी र संगठनहरुद्धारा निर्मित संयुक्त संघर्ष समिति नेपालले साम्राज्यवाद, प्रतिगमन र यथास्थितिको विरोध गर्दै माइतिघर मण्डलामा संयुक्त विरोध कार्यक्रम सम्पन्न गरेको छ । समितिले राष्ट्रिय स्वाधीनता, सार्वभौमसत्ता र अग्रगामी राजनीतिक निकासका लागि सबैलाई एकजुट हुन आह्वान गर्ने उद्देश्यले कार्यक्रम आयोजना गरिएको सहभागी नेकपा(बहुम)का काठमाण्डौ जिल्ला सचिव संघर्षले बताए ।

(शनिबार) दिउँसो १ बजे माइतीघर मण्डलामा भएको कार्यक्रममा संयुक्त संघर्षको तर्पmबाट रुपा सुनुवार, मार्सल, हरिकृष्ण गजुरेल, इन्दिरा अधिकारी, बद्री चौलागाँई, नारायण शर्मा, सन्त बहादुर नेपाली, लोकनारायण सुवेदी लगाएत नेताहरुले कार्यक्रमलाई सम्बोधन गरेका थिए । बोल्ने सबै वक्ताले राष्ट्रिय स्वाधीनता र अग्रगामी निकासका लागि एकजुट होऔं” भन्ने भाव सहित बोलेका थिए ।

संयुक्त संघर्ष समितिले देशमा बढ्दै गएको विदेशी हस्तक्षेप, राजनीतिक अस्थिरता र प्रतिक्रियावादी प्रवृत्तिको विरोधमा जनस्तरको एकजुटता आवश्यक रहेको जनाएको छ । समितिले देशभरका राजनीतिक दल, जनसंगठन, बुद्धिजीवी र आम नागरिकलाई स्वाधीनताको अन्दोलनमा साथ दिन समेत अपिल गरेका छन ।