दाङ — २०६३ साल मंसिर ५ गते भएको बिस्तृत शान्तिसम्झौता ‘धोका’ भएको भन्दै धर्मेन्द्र बास्तोला नेतृत्वको नेकपा (बहुमत) दाङ र क्रान्तिकारी कम्युनिस्ट पार्टी नेपाल दाङले आज घोराहीमा संयुक्त कोणसभा सम्पन्न गरेका छन् । सभामा नेकपा (बहुमत)का तर्फबाट केन्द्रीय सदस्य सजक र क्रान्तिकारी कम्युनिस्ट पार्टी नेपालका तर्फबाट केन्द्रीय सदस्य नविनले सम्बोधन गरेका थिए । कार्यक्रममा नेकपा (बहुमत)का ५ नम्बर ब्युरो इन्चार्ज जीत र क्रान्तिकारी कम्युनिस्ट पार्टी नेपालका ४ नम्बर ब्युरो इन्चार्ज समीर र सोही पार्टीका केन्द्रीय सदस्य बादल सहित दुवै पक्षका नेताहरूको उपस्थिति रहेको थियो ।
नेकपा बुहमतका केन्द्रीय सदस्य सजकका अनुसार, २०६३ सालको शान्तिसम्झौता जनताका बलिदान र क्रान्तिकारी लक्ष्यमाथि धोका भएको दाबी गरिएको गरेका छन् । उनले संसदीय दलहरूलाई “देश लुट्ने दलाल” र प्रचण्ड–ओली–देउवाहरूलाई “जनताको होइन, सामन्ती–पुँजीवादी शक्ति र विदेशी स्वार्थका दलाल” भनेर व्यङ्ग्य गरेका थिए । हामीले मिटरब्याजी दलालहरूलाई कारबाही गरेका थियौँ । फेरि केही संसदबादी पार्टीहरू द्वारा संरक्षित दाङमा केही मिटर ब्याजीहरू सलबलाएको जानकारी पाएका छौँ , होसियार रहनु मिटरब्याज पीडितहरूलाई धेरै नसताउनु सजकले भने ।
क्रान्तिकारी कम्युनिस्ट पार्टी नेपालका केन्द्रीय सदस्य नविनले भने, प्रचण्ड नेतृत्वको पार्टीले जनयुद्धमा मरेका सहिदहरूको बलिदान बेवास्ता गर्दै संसदीय दलालसँग सम्झौता गरेको आरोप लगाएका छन् । उनले क्रान्तिकारी मार्ग फेरि खोल्नुपर्ने आवश्यकता औँल्याउँदै सच्चा क्रान्तिकारीहरूलाई एकजुट हुन आह्वान गरेका छन्। संसदबादी दलहरू मुख्य नेताहरू नेपाली जनताहरूबाटै असुरक्षित भएको बताउँदै जेन्जी बिद्रोहको कारण संसदबादी दलका मुख्य नेताहरूको भुमिका रहेको बताए ।
कोणसभामा बिस्तृत शान्तिसम्झौता धोका र संसदीय दलालवादको तीव्र आलोचना गर्दै नयाँ क्रान्तिकारी मार्ग अपनाउनु अपरिहार्य भएको विषयमा सहमति व्यक्त गरिएको छ ।