काठमाडौं । पूर्वप्रधानमन्त्री डा. बाबुराम भट्टराईको अभिभावकत्वमा गठन भएको प्रगतिशील लोकतान्त्रिक पार्टीले पाँच सदस्यीय अध्यक्ष परिषद् घोषणा गरेको छ । आइतबार सार्वजनिक गरिएको संरचनामा नयाँ पुस्तादेखि विभिन्न राजनीतिक पृष्ठभूमिबाट आएका नेताहरू समेटिएका छन् । घोषित परिषदमा जेन–जी अगुवा ओजस्वी भट्टराई, साविक नेसपा (नयाँ शक्ति) का संयोजक दुर्गा सोव, प्रगतिशील राष्ट्रिय अभियानमा संयोजनको भूमिकामा रहेका सुदन किराँती, रास्वपा परित्याग गरी आएका सन्तोष परियार तथा मधेश क्षेत्रबाट प्रतिनिधित्व गर्ने अशोक जैसवाल चयन भएका छन् ।
पार्टीका दोस्रो तहका नेताहरू परिषदमा समेटिए पनि डा. बाबुराम भट्टराई, जनार्दन शर्मा, राम कार्कीलगायत शीर्ष नेताहरू भने यस संरचनामा सहभागी छैनन् । नयाँ पार्टी संरचना सार्वजनिकसँगै भट्टराई नेतृत्वमा नयाँ राजनीतिक यात्राको बहस चर्किएको छ ।