
१राहत अनुदान शिक्षकको अवस्था र ट्रेड युनियन अधिकार
२बमको दर्शन
३यू्रोपमा भईरहेको आन्दोलनबाट नेपालका कम्युनिस्टले सिक्नुपर्ने शिक्षाहरु
४कार्यकर्ता नीतिबारे
५मातृभक्षणवादको नयाँ सिद्धान्त – २
६मातृभक्षणवादको नयाँ सिद्धान्त
७सांसद खगेन्द्र सुनारमाथि छानबिन गरी कारबाही गर्न महिला संगठनको माग
८चाडपर्वमा कालोबजारी, मदिरा र यातायात मनपरी नियन्त्रण गर्न नेकपा (बहुमत) दार्चुलाको माग
९नेसनल मेडिकल कलेज विरुद्ध अखिल (क्रान्तिकारी)द्वारा संघर्षको चेतावनी
११नेकपा (बहुमत) को प्रथम राष्ट्रिय सम्मेलन सम्पन्न, दिपक महासचिव चयन
१२वैचारिक संघर्षबारे
चितवन । नेपाल कम्युनिस्ट पार्टी (बहुमत) चितवन जिल्ला समितिको आयोजनामा वर्तमान राजनीतिक परिस्थिति, जनसंविधान निर्माण र स्वाधीन संयुक्त सरकारको आवश्यकता विषयक अन्तरक्रिया कार्यक्रम सम्पन्न भएको छ । कार्यक्रम पार्टीको केन्द्रीय सचिवालय सदस्य तथा चितवन जिल्ला सेक्रेटरी ध्रुवको अध्यक्षतामा सम्पन्न भएको हो भने पार्टी सचिवालय सदस्य तथा ३ नम्बर ब्युरो इन्चार्ज बाबुराम गजमेर ‘आजाद’ प्रमुख अतिथिका रूपमा सहभागी हुनु भएको थियो । कार्यक्रमको सञ्चालन जिल्ला समिति सदस्य अन्निधर सापकोटाले गर्नु भएको थियो भने स्वागत मन्तव्य जिल्ला समिति सदस्य हरिदत्तले प्रस्तुत गर्नु भएको थियो । प्रमुख अतिथि गजमेरले जेनजी आन्दोलनपछिको अवस्थाले देशलाई अस्थिरता, अराजकता, आशंका र अन्योलतामा धकेलेको उल्लेख गर्दै राजनीतिक, आर्थिक तथा स्वाधीनताको गम्भीर संकट उत्पन्न भएको बताउनु भयो । उहाँले यस्तो परिस्थितिको सामना गर्न देशका प्रगतिशील, वामपन्थी र कम्युनिस्ट शक्तिहरू एकताबद्ध भई वर्तमान चुनाबी सरकारको अन्त्य गर्दै स्वाधीन संयुक्त सरकार निर्माण गर्नुपर्ने आवश्यकता औँल्याउनु भयो ।
उहाँले यथास्थितिमा कुनै पनि चुनावको औचित्य नरहेको बताउँदै चुनाव बहिष्कार गर्दै जनविद्रोहमार्फत समाजवादी गणतन्त्र स्थापना गर्नु नै वर्तमान संकटको विकल्प भएको धारणा राख्नु भयो । अन्तरक्रिया कार्यक्रममा बैज्ञानिक समाजवादी पार्टीका जिल्ला इन्चार्ज शतिसाल, जनवादी मोर्चाका संयोजक अशोक शर्मा तथा नेपाल कम्युनिस्ट पार्टीका जिल्ला इन्चार्ज बद्रीनाथ अधिकारीले पनि क्रान्तिकारी र देशभक्त शक्तिहरू एकताबद्ध भई स्वाधीन संयुक्त सरकार गठन तथा जनसंविधान निर्माणको दिशामा अघि बढ्नुपर्नेमा जोड दिनु भयो । कार्यक्रमले वर्तमान राजनीतिक अवस्थाबारे साझा धारणा निर्माण गर्दै संघर्षलाई सशक्त बनाउने निष्कर्ष निकालेको आयोजकले जनाएका छन् ।
प्रतिक्रिया