डडेल्धधुरा । कम्युनिस्ट युवा संगठन नेपाल डडेल्धधुराको दोस्रो जिल्ला भेला सम्पन्न भएको छ । भेलाले सहविर पन्तको अध्यक्षतामा १३ सदस्यीय जिल्ला समिति सर्वसम्मत रूपमा चयन गरेको छ । संगठनका ७ नम्बर ब्युरो इन्चार्ज दिपेन्द्र सिंह ऐरीको प्रमुख आतिथ्यतामा सम्पन्न भेलामा नेकपा (बहुमत) का ७ नम्बर ब्युरो इन्चार्ज प्रतिकको बिशेष उपस्थिति रहेको थियो । भेलालाई सम्बोधन गर्दै प्रमुख अतिथि ऐरीले देश गम्भीर राजनीतिक, आर्थिक र सामाजिक संकटमा रहेको उल्लेख गर्दै सबै युवाहरू एकताबद्ध भएर संघर्षमा अघि बढ्नुपर्ने आवश्यकता औंल्याए ।
विशेष अतिथि प्रतिकले देशको स्वाधीनता र सार्वभौमिकताको रक्षा गर्न वैज्ञानिक समाजवादी क्रान्ति अपरिहार्य भएको बताए । भेलामा पार्टी जिल्ला इन्चार्ज बिचित्र, जिल्ला कार्यालय सभिव सागर बोहरा र युवाका जिल्ला इन्चार्ज खेम बोहराकोे उपस्थिति रहेको थियो ।