भारत । महाराष्ट्र, गोवा र गुजरात राज्यस्तरीय प्रगतिशील नेपाली जनसमाज समितिको संयुक्त भेला तथा प्रशिक्षण कार्यक्रम सम्पन्न भएको छ । कार्यक्रम कमरेड बज्जिर सिंह ‘सौगात’को सञ्चालनमा तथा राज्य संयोजक जीवन धामीको अध्यक्षतामा सम्पन्न भएको हो । भेलामा नेपाल कम्युनिस्ट पार्टी (बहुमत) बिदेश ब्युरो इन्चार्ज कमरेड मुक्ति प्रमुख अतिथिका रूपमा सहभागी हुनुहुन्थ्यो । त्यस्तै, प्रगतिशील नेपाली जनसमाज समितिका संयोजक दीपक तिरुवा, गोविन्द पाण्डे र रामु बी.के. अतिथिका रूपमा उपस्थित हुनुहुन्थ्यो ।
कार्यक्रममा वक्ताहरूले प्रवासमा रहेका नेपाली श्रमिक तथा जनसमुदायले भोगिरहेका समस्या, साथै देशभित्र साम्राज्यवादी दलाल शक्तिहरूले गर्न लागेको कथित चुनावी नौटंकीप्रति सचेत रहनुपर्ने विषयमा जोड दिनुभयो । उनीहरूले प्रवासी नेपालीहरूलाई संगठित भई जनसंघर्षलाई बलियो बनाउन आग्रह समेत गर्नुभयो । भेलाको अन्त्यमा जीवन धामीको संयोजकत्वमा १३ सदस्यीय महाराष्ट्र–गोवा–गुजरात संयुक्त राज्य समिति गठन गरिएको जानकारी दिइयो ।