
१राहत अनुदान शिक्षकको अवस्था र ट्रेड युनियन अधिकार
२बमको दर्शन
३यू्रोपमा भईरहेको आन्दोलनबाट नेपालका कम्युनिस्टले सिक्नुपर्ने शिक्षाहरु
४कार्यकर्ता नीतिबारे
५मातृभक्षणवादको नयाँ सिद्धान्त – २
६मातृभक्षणवादको नयाँ सिद्धान्त
७सांसद खगेन्द्र सुनारमाथि छानबिन गरी कारबाही गर्न महिला संगठनको माग
८चाडपर्वमा कालोबजारी, मदिरा र यातायात मनपरी नियन्त्रण गर्न नेकपा (बहुमत) दार्चुलाको माग
९नेसनल मेडिकल कलेज विरुद्ध अखिल (क्रान्तिकारी)द्वारा संघर्षको चेतावनी
११नेकपा (बहुमत) को प्रथम राष्ट्रिय सम्मेलन सम्पन्न, दिपक महासचिव चयन
१२वैचारिक संघर्षबारे
काठमाडौँ । नेपाल कम्युनिस्ट पार्टी (बहुमत) ले आसन्न संसदीय चुनाव बहिष्कारका कार्यक्रमलाई थप तीव्र बनाउने निर्णय गरेको छ । पार्टीको सचिवालय बैठकपछि जारी गरिएको प्रेस वक्तव्यअनुसार केन्द्रीय समितिको चौथो बैठकले तय गरेका राजनीतिक, संगठनात्मक तथा संघर्षका कार्यक्रम देशभर उत्साहजनक रूपमा अघि बढिरहेको बताइएको छ । वक्तव्यमा छ वटा कम्युनिस्ट पार्टी आबद्ध संयुक्त संघर्ष समितिले तय गरेका कार्यक्रमहरूमा पार्टीको सक्रिय सहभागिता रहेको उल्लेख गरिएको छ । यस क्रममा पुष २५ गते घोषणा सभा, २८ गते मशाल जुलुस, माघ २९ गते उपत्यका बन्द, माघ २१ गते अन्तरक्रिया तथा माघ ५ गते जिल्लाव्यापी जनप्रदर्शन सम्पन्न भइसकेका छन् । ती कार्यक्रमहरूमा जनताको सक्रिय सहयोग र समर्थन प्राप्त भएको भन्दै पार्टीले आभार व्यक्त गरेको छ । संयुक्त संघर्ष समितिमा आबद्ध क्रान्तिकारी कम्युनिस्ट पार्टी नेपालका केन्द्रीय सदस्य कमरेड पूर्ण बहादुर बुढालाई शान्तिपूर्ण रूपमा चुनाव बहिष्कार कार्यक्रम सञ्चालन गरेकै क्रममा पक्राउ गरिएकोप्रति पार्टीले गम्भीर आपत्ति जनाएको छ । पार्टीले यसलाई दमनकारी र अलोकतान्त्रिक कार्यको संज्ञा दिँदै पक्राउ परेका नेता–कार्यकर्ताको अविलम्ब रिहाइको माग गरेको छ ।
वक्तव्यमा जनजी विद्रोह अपहरण गरिएको आरोप लगाउँदै वर्तमान राजनीतिक अवस्था अगमन, राजनीतिक स्थिरता र भ्रष्टाचार नियन्त्रणमा असफल भएको उल्लेख गरिएको छ । पुरानो व्यवस्थालाई निरन्तरता दिने निर्वाचनले देशका विद्यमान समस्या समाधान गर्न नसक्ने पार्टीको ठहर छ । नेकपा (बहुमत) ले विकासविहीन चुनाव स्थगित गरी स्वाधीन संयुक्त सरकार गठन र जनसंविधान निर्माणका लागि राष्ट्रिय सहमतिको कार्यक्रम अघि बढाउनुपर्ने आवश्यकता औंल्याएको छ । पार्टीले चुनाव बहिष्कारको कार्यक्रमलाई निरन्तर अघि बढाउने निर्णयसमेत सार्वजनिक गरेको छ । पार्टीका अनुसार संघर्षको दोस्रो चरण अन्तर्गत माघ २० गतेदेखि फागुन ४ गतेसम्म व्यापक घरदैलो कार्यक्रम र फागुन ५ गते नेपाल बन्दको आयोजना गरिएको छ । नेपाल बन्द सफल पार्न आम जनसमुदाय तथा सम्पूर्ण मित्र शक्तिहरूलाई आह्वान गरिएको छ ।
प्रतिक्रिया