काठमाडौँ, १४ फागुन । नेपाल कम्युनिष्ट पार्टी (बहुमत) ले आफ्ना केन्द्रीय तहका नेताहरूलाई पक्राउ गरिएको भन्दै आपत्ति जनाएको छ । पार्टीका केन्द्रीय कार्यालय सचिव अविरलले विज्ञप्ति जारी गर्दै केन्द्रीय सचिवालय सदस्य गोकुल पराजुली, केन्द्रीय सदस्य विवेक दाहाल तथा कम्युनिस्ट युवा संगठन नेपाल सम्मेलन आयोजक समिति सदस्य युकेन्द्र श्रेष्ठलाई प्रहरीले पक्राउ गरेको जनाएको हो । विज्ञप्तिअनुसार उनीहरूलाई पार्टी कामको सिलसिलामा रहेका बेला काठमाडौं जिल्ला अन्तर्गत चावहिल क्षेत्रबाट बुधबारबार साँझ करिब ४ बजे पक्राउ गरिएको हो ।
पार्टीले विचार तथा अभिव्यक्ति स्वतन्त्रताको धज्जी उडाउँदै शान्तिपूर्ण राजनीतिक गतिविधिमा संलग्न व्यक्तिहरूमाथि गरिएको गिरफ्तारीलाई ‘गैरन्यायिक र तानाशाही प्रवृतिको कदम’ भन्दै कडा शब्दमा निन्दा तथा भत्र्सना गरेको छ । साथै पक्राउ परेका नेताहरूको तत्काल रिहाइको माग समेत गरेको छ ।