काभ्रे । नेकपा(बहुमत)का पाँचखाल इन्चार्ज प्रकास कार्कीलाई चुनाव बहिष्कारमा लागेको आरोपमा सादा पोसाकका प्रहरीले मिति २०८२ फागुन ८ गते शुक्रबार आफ्नो घरमा सुतिरहेको अबस्थामा घेरा हाली अपहरण शैलीमा जबर्जस्त तानी गिरफ्तार गरेको पार्टीेले जनाएको छ । पार्टीले चुनाव खारेजी अभियानमा सहभागिता जनाएको आरोपमा पक्राउ गरिएको दाबी गर्दै यसलाई राजनीतिक प्रतिशोध र दमनको निरन्तरता भनेको छ । साथै, विभिन्न स्थानमा नेता–कार्यकर्ताको घर तथा कोठामै पुगेर गिरफ्तार गरिएको आरोप पनि पार्टीले लगाएको छ । सरकारको यस्तो कदमलाई पार्टीले “कायरतापूर्ण र अलोकतान्त्रिक शैली” को संज्ञा दिँदै घोर भत्र्सना गरेको छ । पक्राउ परेका सुन्तली थोकरसहित सबै नेता–कार्यकर्ताको यथाशीघ्र रिहाइ गर्न पार्टीले सरकारसँग जोडदार माग गरेको छ ।