बर्दिया — नेकपा(बहुमत) ६ नें ब्युरोले आफ्ना कार्यालय सचिव क. केशर सिंह लावडलाई प्रहरीले पक्राउ गरेको जनाएको छ । पार्टीले जारी गरेको प्रेस विज्ञप्तिअनुसार फागुन १८ गते बिहान करिब १०/११ बजे बर्दिया जिल्लाको मधुवन नगरपालिकाको लाली बजारस्थित निवासबाट उनलाई पक्राउ गरिएको हो । विज्ञप्तिमा उल्लेख भएअनुसार लावडलाई घरमै रहेको अवस्थामा नियन्त्रणमा लिइएको र उक्त कार्यप्रति पार्टीले कडा आपत्ति जनाएको छ । पार्टीले राज्य पक्षबाट गरिएको पक्राउलाई “दमनकारी शैली” भन्दै भत्र्सना गरेको छ ।
पार्टीले सरकारद्वारा घोषित चुनावले शान्ति, समृद्धि, सुशासन र जनजीविकाका सवाल समाधान गर्न नसक्ने दाबी गर्दै आएको छ । साथै, राज्य संयन्त्रले आफ्ना कार्यकर्तामाथि धरपकड बढाएको आरोप पनि लगाएको छ । विज्ञप्तिमा क. केशर सिंह लावडसहित सुर्खेतबाट गिरफ्तार नेताहरू राज पौडेल र पूर्ण तिवारीलाई बिना शर्त रिहा गर्न माग गरिएको छ ।