
१राहत अनुदान शिक्षकको अवस्था र ट्रेड युनियन अधिकार
२बमको दर्शन
३यू्रोपमा भईरहेको आन्दोलनबाट नेपालका कम्युनिस्टले सिक्नुपर्ने शिक्षाहरु
४कार्यकर्ता नीतिबारे
५मातृभक्षणवादको नयाँ सिद्धान्त – २
६मातृभक्षणवादको नयाँ सिद्धान्त
७सांसद खगेन्द्र सुनारमाथि छानबिन गरी कारबाही गर्न महिला संगठनको माग
८चाडपर्वमा कालोबजारी, मदिरा र यातायात मनपरी नियन्त्रण गर्न नेकपा (बहुमत) दार्चुलाको माग
९नेसनल मेडिकल कलेज विरुद्ध अखिल (क्रान्तिकारी)द्वारा संघर्षको चेतावनी
११नेकपा (बहुमत) को प्रथम राष्ट्रिय सम्मेलन सम्पन्न, दिपक महासचिव चयन
१२वैचारिक संघर्षबारे
काठमाडौं । नेपाल कम्युनिष्ट पार्टी(बहुमत)ले आफ्ना केन्द्रीय तथा जिल्ला तहका नेताहरूको गिरफ्तारीप्रति गम्भीर आपत्ति जनाउँदै तत्काल रिहाइको माग गरेको छ । पार्टीले विहिबार जारी गरेको प्रेस वक्तव्यअनुसार ‘गिरफ्तारीको श्रृङ्खला’ अन्तर्गत केन्द्रीय सचिवालय सदस्य तथा मोरङ जिल्ला इन्चार्ज कृष्णप्रसाद चौलागाईं ‘नरेश’ र मोरङ जिल्ला सचिव सुमन पौडेललाई २०८२ साल फागुन २० गते दिउसो करिब ४ बजे मोरङको कानेपोखरी गाउँपालिका–७, रमाइलोबाट पक्राउ गरिएको जनाएको छ । यसैगरी, केन्द्रीय सदस्य तथा भक्तपुर जिल्ला इन्चार्ज प्रतिमा बजगाँर्ई ‘जेनी’ लाई सोही दिन साँझ करिब ६ः३० बजे ललितपुर जिल्लाको इमाडोलबाट र केन्द्रीय सदस्य डिल्लीराम बुढाथोकीलाई तेह्रथुम जिल्लाको म्याङलुङ नगरपालिका–जिरीखिम्तीबाट राति करिब १० बजे पक्राउ गरिएको पार्टीको दाबी छ ।
वक्तव्यमा नेपाल सरकारको गृह प्रशासनले शान्तिपूर्ण राजनीतिक गतिविधिमा संलग्न व्यक्तिहरूलाई ‘दमनात्मक’ ढंगले पक्राउ गरेको आरोप लगाइएको छ । पार्टीले नागरिकको हिँडडुल गर्ने अधिकार, विचार तथा अभिव्यक्ति स्वतन्त्रतामाथि प्रतिबन्ध लगाइएको उल्लेख गर्दै यसलाई ‘गैरन्यायिक र फासीवादी शैली’ को कार्य भन्दै निन्दा तथा भत्र्सना गरेको छ । पार्टीले राज्यले न्यूनतम लोकतान्त्रिक अधिकारको सम्मान गर्नुपर्ने उल्लेख गर्दै पक्राउ परेका सबै नेता तथा कार्यकर्ताको अविलम्ब रिहाइको माग गरेको छ ।
प्रतिक्रिया