
१राहत अनुदान शिक्षकको अवस्था र ट्रेड युनियन अधिकार
२बमको दर्शन
३यू्रोपमा भईरहेको आन्दोलनबाट नेपालका कम्युनिस्टले सिक्नुपर्ने शिक्षाहरु
४कार्यकर्ता नीतिबारे
५मातृभक्षणवादको नयाँ सिद्धान्त – २
६मातृभक्षणवादको नयाँ सिद्धान्त
७सांसद खगेन्द्र सुनारमाथि छानबिन गरी कारबाही गर्न महिला संगठनको माग
८चाडपर्वमा कालोबजारी, मदिरा र यातायात मनपरी नियन्त्रण गर्न नेकपा (बहुमत) दार्चुलाको माग
९नेसनल मेडिकल कलेज विरुद्ध अखिल (क्रान्तिकारी)द्वारा संघर्षको चेतावनी
११नेकपा (बहुमत) को प्रथम राष्ट्रिय सम्मेलन सम्पन्न, दिपक महासचिव चयन
१२वैचारिक संघर्षबारे
पोखरा, चैत २४ । नेपाल कम्युनिस्ट पार्टी (बहुमत) कास्कीले पोखरामा बढ्दो भ्रष्टाचार, सार्वजनिक सम्पत्तिको दुरुपयोग र विभिन्न अनियमितताविरुद्ध कडा कदम चाल्न माग गर्दै जिल्ला प्रशासन कार्यालय कास्कीमार्फत २० बुँदे जनअधिकार पत्र पेश गरेको छ । पार्टीले मंगलबार जिल्ला प्रशासन कार्यालय पोखरामा बुझाएको ज्ञापनपत्रमा होटल, सार्वजनिक जग्गा, फेवाताल क्षेत्र, ढुंगा–बालुवा ठेक्का लगायत विभिन्न क्षेत्रमा भएको भनिएको भ्रष्टाचारबारे छानबिन गरी दोषीमाथि कारबाही गर्न माग गरिएको छ । ज्ञापनपत्रमा विशेषगरी मणिपाल अस्पताल, होटल बाराही, फेवाताल वरपरका संरचना, फोहोर व्यवस्थापन, ढुंगा खानी ठेक्का, पोखरा विमानस्थल क्षेत्रमा गरिएको खर्च लगायत विषयमा अनियमितता भएको आरोप लगाइएको छ । यस्ता गतिविधिले सार्वजनिक सम्पत्ति निजीकरण भएको र जनहित विपरीत काम भएको पार्टीको दाबी छ ।
त्यस्तै, सार्वजनिक जग्गा अतिक्रमण, विद्यालयमा भएको भनिएको भ्रष्टाचार, रिसोर्ट निर्माणका नाममा डाँडा कटान, घाट दोहन, ढुंगा–बालुवा उत्खननमा भएको अनियमितता जस्ता विषयमा तत्काल छानबिन गरी कारबाही गर्न माग गरिएको छ । पार्टीले भूमिहीन, दलित तथा सुकुम्बासीलाई व्यवस्थित बसोबासको व्यवस्था गर्न, दैनिक उपभोग्य वस्तुको मूल्य नियन्त्रण गर्न तथा रात्रीकालीन अवैध गतिविधि रोक्न समेत प्रशासनसँग आग्रह गरेको छ । ज्ञापनपत्र बुझाउँदै पार्टीका कास्की जिल्ला सचिव एल.बि. सजनले जनताको सम्पत्ति र अधिकारमाथि भइरहेको दुरुपयोग रोक्न प्रशासनले तुरुन्तै कदम चाल्नुपर्ने बताए । उनले भ्रष्टाचार नियन्त्रणमा ढिलाइ भए थप आन्दोलनका कार्यक्रम अघि बढाइने चेतावनी समेत दिएका छन् ।

प्रतिक्रिया