
१राहत अनुदान शिक्षकको अवस्था र ट्रेड युनियन अधिकार
२बमको दर्शन
३यू्रोपमा भईरहेको आन्दोलनबाट नेपालका कम्युनिस्टले सिक्नुपर्ने शिक्षाहरु
४कार्यकर्ता नीतिबारे
५मातृभक्षणवादको नयाँ सिद्धान्त – २
६मातृभक्षणवादको नयाँ सिद्धान्त
७सांसद खगेन्द्र सुनारमाथि छानबिन गरी कारबाही गर्न महिला संगठनको माग
८चाडपर्वमा कालोबजारी, मदिरा र यातायात मनपरी नियन्त्रण गर्न नेकपा (बहुमत) दार्चुलाको माग
९नेसनल मेडिकल कलेज विरुद्ध अखिल (क्रान्तिकारी)द्वारा संघर्षको चेतावनी
११नेकपा (बहुमत) को प्रथम राष्ट्रिय सम्मेलन सम्पन्न, दिपक महासचिव चयन
१२वैचारिक संघर्षबारे
मुम्बईः पन्जाब किंग्सले इन्डियन प्रिमियर लिग (आईपीएल) अन्तर्गत बिहीबार मुम्बई इन्डियन्सलाई ७ विकेटले पराजित गरेको छ । १ सय ९६ रनको लक्ष्य पन्जाबले २१ बल बाँकी रहँदै सहज रूपमा पूरा गर्यो । पन्जाबको जितमा ओपनर प्रभसिमरन सिंह र कप्तान श्रेयस ऐरले तेस्रो विकेटका लागि उत्कृष्ट साझेदारी गरे । प्रभसिमरनले ३९ बलमा ११ चौका र २ छक्का प्रहार गर्दै अविजित ८० रन बनाए । कप्तान श्रेयसले पनि आक्रामक ब्याटिङ गर्दै ३५ बलमा ५ चौका र ४ छक्का सहित ६६ रन जोडे । उनी १५औं ओभरमा शार्दूल ठाकुरको बलमा आउट भएका थिए । श्रेयसको यो लगातार तेस्रो अर्धशतक हो ।
यसअघि प्रियान्श आर्य (१५) र कूपर कोनोली (१७) छिट्टै आउट हुँदा पन्जाब ४५/२ को अवस्थामा पुगेको थियो । दुवै विकेट अफगानी बलर एएम गजनफरले लिएका थिए । अन्त्यतिर मार्कस स्टोइनिस १० रनमा अविजित रहे । यसअघि टस हारेर पहिले ब्याटिङ गरेको मुम्बईले २० ओभरमा ६ विकेट गुमाउँदै १ सय ९५ रन बनाएको थियो । क्विन्टन डी ककले अविजित १ सय १२ रनको शानदार पारी खेले पनि टोलीलाई जित दिलाउन सकेनन् । उनले ६० बलमा ८ चौका र ७ छक्का प्रहार गरे ।
डी ककले नमन धीरसँग तेस्रो विकेटका लागि १ सय २२ रनको साझेदारी गरेका थिए । धीरले ३१ बलमा ३ चौका र ३ छक्का सहित महत्वपूर्ण योगदान दिए। अन्य ब्याटरहरू भने खासै चल्न सकेनन् । पन्जाबका अर्शदीप सिंहले ४ ओभरमा २२ रन खर्चेर ३ विकेट लिए । मार्को यानसेन र शशांक सिंहले समान १–१ विकेट हात पारे । यस जितसँगै पन्जाब अपराजित रहँदै अंकतालिकाको शीर्ष स्थानमा उक्लिएको छ भने मुम्बई ५ खेलमा एक जितसहित नवौं स्थानमा रहेको छ ।
प्रतिक्रिया