
१राहत अनुदान शिक्षकको अवस्था र ट्रेड युनियन अधिकार
२बमको दर्शन
३यू्रोपमा भईरहेको आन्दोलनबाट नेपालका कम्युनिस्टले सिक्नुपर्ने शिक्षाहरु
४कार्यकर्ता नीतिबारे
५मातृभक्षणवादको नयाँ सिद्धान्त – २
६मातृभक्षणवादको नयाँ सिद्धान्त
७सांसद खगेन्द्र सुनारमाथि छानबिन गरी कारबाही गर्न महिला संगठनको माग
८चाडपर्वमा कालोबजारी, मदिरा र यातायात मनपरी नियन्त्रण गर्न नेकपा (बहुमत) दार्चुलाको माग
९नेसनल मेडिकल कलेज विरुद्ध अखिल (क्रान्तिकारी)द्वारा संघर्षको चेतावनी
११नेकपा (बहुमत) को प्रथम राष्ट्रिय सम्मेलन सम्पन्न, दिपक महासचिव चयन
१२वैचारिक संघर्षबारे
काठमाडौं, असार १० । अखिल नेपाल जनस्वास्थ्यकर्मी संगठन केन्द्रीय समितिले देशभर रेबिजविरुद्धको खोपको चरम अभाव भएको भन्दै सरकारको गम्भीर ध्यानाकर्षण गराएको छ । संगठनले बुधबार प्रेस वक्तव्य जारी गर्दै खोप अभावका कारण बिरामीहरू उपचारबाट वञ्चित हुनुपरेको, विभिन्न जिल्लाबाट नागरिकहरू खोप खोज्दै काठमाडौं धाउन बाध्य भएको तथा यसले जनस्वास्थ्यमा गम्भीर संकट निम्त्याएको जनाएको छ । संगठनले स्वास्थ्य क्षेत्रका विकृति र अव्यवस्थाविरुद्ध तथा जनताको स्वास्थ्य अधिकारको पक्षमा निरन्तर आवाज उठाउँदै आएको उल्लेख गर्दै रेबिज खोप अभावको समस्या अत्यन्त संवेदनशील रहेको जनाएको छ । वक्तव्यमा सरकारी अस्पतालहरूमा समेत रेबिज खोपको अभाव हुँदा संक्रमित तथा जोखिममा परेका नागरिकहरू थप समस्यामा परेको उल्लेख गरिएको छ ।
संगठनका अनुसार आर्थिक अभावका कारण निजी क्षेत्रबाट महँगो शुल्क तिरेर खोप खरिद गर्न नसक्ने तथा काठमाडौं आउनसमेत नसक्ने नागरिकहरू उच्च जोखिममा रहेका छन् । समयमै खोप नपाउँदा रेबिजबाट हुने मृत्युको खतरा बढ्दै गएको भन्दै संगठनले यसलाई गम्भीर जनस्वास्थ्य संकटका रूपमा लिन आग्रह गरेको छ । हाल नेपालका विभिन्न जिल्लामा रेबिज खोप अभाव देखिएको र काठमाडौंस्थित शुक्रराज ट्रपिकल तथा सरुवा रोग अस्पतालमा समेत खोपको मौज्दात न्यून भएको समाचार सार्वजनिक भइरहेका छन् । स्वास्थ्यकर्मीहरूले समयमै खोप उपलब्ध नगराए थप मानवीय क्षति हुन सक्ने चेतावनी दिएका छन् ।
अखिल नेपाल जनस्वास्थ्यकर्मी संगठनले नेपाल सरकार, स्वास्थ्य तथा जनसंख्या मन्त्रालय र सम्बन्धित निकायहरूलाई तत्काल आवश्यक पहल गरी रेबिज खोपको सहज आपूर्ति सुनिश्चित गर्न माग गरेको छ । साथै, जनताको स्वास्थ्य उपचार पाउने नैसर्गिक अधिकारको रक्षा गर्न आवश्यक कदम चाल्न पनि संगठनले आग्रह गरेको छ । संगठनका संयोजक लोकेन्द्र सार्कीद्वारा जारी वक्तव्यमा स्वास्थ्य सेवाजस्तो संवेदनशील क्षेत्रमा देखिएको यस्तो संकट समाधान गर्न राज्यले विशेष प्राथमिकता दिनुपर्ने उल्लेख गरिएको छ ।
प्रतिक्रिया