काठमाडौँ । नेपाल कम्युनिस्ट पार्टी (बहुमत) १ नम्बर व्युरोले अनराज लिम्बुप्रति भावपूर्ण श्रद्धाञ्जली अर्पण गरेको छ ।

मङ्गलबार १ नम्बर व्युरो इन्चार्ज गम्भीरले शोक वक्तव्यमार्फत पार्टीका ताप्लेजुङ जिल्ला सचिव वीरबहादुर आङ्बुहाङ् लिम्बुका बुबा अनराज लिम्बुको ९२ वर्षको उमेरमा निधन भएकोमा दुःखित एवम् स्तव्ध भएको र पार्टीले एकजना होनहार अभिभावक गुमाउन पुगेको बताएका छन् । साथै उनले यो दुःखद घडीमा अनराज लिम्बुप्रति भावपूर्ण श्रद्धाञ्जली अर्पणका साथै शोकाकुल परिवारजनमा गहिरो समवेदना व्यक्त गरेका छन् ।

अनराज लिम्बु लामो समयदेखि मस्तिस्क–घात रोगबाट पीडित भई सुनसरी जिल्लाको धरानस्थित वी.पी. कोइराला स्वास्थ्य विज्ञान प्रतिष्ठानमा उपचाररत हुनुहुन्थ्यो ।

व्युरो इन्चार्ज गम्भीरले शोक वक्तव्यमा भनेका छन्, ‘हाम्रो पार्टीका ताप्लेजुङ जिल्ला सचिव क. वीरबहादुर आङ्बुहाङ् लिम्बुका बुबा अनराज लिम्बुको ९२ वर्षको उमेरमा २०८१ चैत ४ गते बिहान ९ः०० बजे दुःखद् निःधन भएकोमा हाम्रो पार्टी दुःखित एवम् स्तव्ध भएको छ ।’

इन्चार्ज गम्भीरले शोक वक्तव्यमा अगाडि भनेका छन्, ‘ताप्लेजुङ जिल्ला, आठराई–त्रिवेणी गाउँपालिका वडा नं. ३, हाङ्पाङ्–मिचिरिङ् निवासी बुबाः धनबहादुर आङ्बुहाङ् लिम्बु र आमाः प्रभा पालुङ्वा लिम्बुको जेठो सन्तानका रुपमा १९९० साल श्रावण ५ गते जन्मनुभएका अनराज लिम्बु लामो समयदेखि मस्तिस्क–घात रोगबाट पीडित भई सुनसरी जिल्लाको धरानस्थित वी.पी. कोइराला स्वास्थ्य विज्ञान प्रतिष्ठानमा उपचाररत हुनुहुन्थ्यो । उहाँका ६ छोरीहरु र ४ छोराहरु हुनुहुन्छ । उहाँको निःधनबाट पार्टीले एकजना होनहार अभिभावक गुमाउन पुगेको छ ।’

व्युरो इन्चार्जले शोक वक्तव्यको अन्त्यमा भनेका छन्, ‘यो दुःखद घडीमा अनराज लिम्बुप्रति भावपूर्ण श्रद्धाञ्जली अर्पणका साथै शोकाकुल परिवारजनमा गहिरो समवेदना व्यक्त गर्दै नेपाल कम्युनिस्ट पार्टी (बहुमत) गहिरो शोक प्रकट गर्दछ ।’