जनकपुरधाम, धनुषा ।

देशको राजनीतिक, सामाजिक तथा आर्थिक अवस्था दिनप्रतिदिन संकटतर्फ उन्मुख भइरहेको बेला ने्कपा (बहुमत) २ नं. ब्युरोले मधेश प्रदेश सरकारलाई ५४ बुँदे मागपत्र बुझाएको छ ।

पार्टीका २ नंं. ब्युरो इन्चार्ज बाबुराम गजमेर (आजाद) द्धारा हस्ताक्षरित मागपत्र मधेश प्रदेशका मुख्यमन्त्री माननिय सतिश कुमार सिंहलाई बुझाइएको हो । मागपत्र बुझाउँदै नेता बाबुरामले देशको सम्पूर्ण शासन व्यवस्था नै असफल भइसकेको र वर्तमान सरकारका नीति तथा कार्यशैलीका कारण आम जनतामा निराशा, आक्रोश र असुरक्षा बढेको बताए ।

मागपत्रमा उल्लेखि मागहरुमध्ये भारतसँग भएका असमान सन्धि–सम्झौताहरूको खारेजी, खुला सीमा व्यवस्थापन, भूमिहीन तथा सुकुम्बासी जनताको पुनर्वास, बेरोजगार युवालाई रोजगारीको ग्यारेन्टी, वैदेशिक ऋणको पुनरावलोकन, भ्रष्टाचार नियन्त्रण, शिक्षा र स्वास्थ्य सेवा सबैका लागि निःशुल्क बनाउने, र उद्योग, कृषि, ऊर्जा, यातायात तथा पूर्वाधारको विकासमा तीव्रता ल्याउने, देशभर व्याप्त बेरोजगारी, गरिबी, भोकमरी, शिक्षा र स्वास्थ्यमा पहुँचको अभाव, भ्रष्टाचार, तस्करी, कालोबजारी, बलात्कार तथा हत्या–हिंसाका घटनाप्रति गम्भीर ध्यानाकर्षण गराउँदै सरकारलाई ती सबै समस्या समाधानका लागि स्पष्ट कार्ययोजना ल्याउने लगाएतका विषयहरू समेटिएका छन् ।