काठमाडौं । सरकारले अध्यागमन र भिजिट भिसामा देखिएका समस्या समाधान गर्न गठित उच्चस्तरीय छानबिन समितिलाई नौवटा कार्यादेश दिएको छ ।

मंगलबार प्रतिनिधिसभा बैठकमा गृहमन्त्री रमेश लेखकले पूर्वमुख्यसचिव शंकरदास बैरागीको संयोजकत्वमा गठित समितिलाई नौवटा कार्यादेश दिइएको जानकारी दिए ।

उनका अनुसार, समितिले सबैसँग सल्लाह र सुझाव संकलन गर्न सक्ने र कार्यविधि आफै बनाउन सक्नेछ ।
आज घोषणा गरिएको छानबिन समितिबारे रास्वापा र राप्रपाले भने कडा शब्दमा विरोध जनाएका छन् भने माओवादी केन्द्रले भने समिति बनेकोमा स्वागत गर्दै उचित छानबिन हुनुपर्ने माग राखेको छ ।