काठमाडौं । इरान र इजरेल बीचको युद्धमा अमेरिका सामेल भइ इरानमाथि गरिएको हमलाको विरोधमा आज अमेरिकी दुतावास अगाडि विरोध प्रदर्शन गरिएको छ ।

प्रदर्शनका क्रममा बोल्ने वक्ताहरुले अमेरिकी सत्ताले नरसंहारकारी इजरायललाई दिएको हतियार सहयोग र इरानमाथि गरेको बम हमलाको कडा शब्दमा विरोध जनाएका थिए ।

विरोध प्रदर्शनका अधिकांश वक्ताहरुले इजरायल युद्ध लगायतका युद्धहरुमा भएको अमेरिकी संलग्नता, इरानी आणविक ऊर्जा केन्द्रहरुमा भएका बम बर्षाबाट चुहिने विकीरणले ठूलो भूभागमा जनता मर्ने र अपांग हुने भएकोले इजरेली उक्साहट र अमेरिकी बम वर्षाको कडा शब्दमा विरोध जनाएका थिए ।

वक्ताहरुले कुनै देशले आणविक हतियार राख्न पाउने र कुनै देशले राख्न नपाउने जस्ता विभेदकारी नीति र युद्ध बढाउने हतियारको व्यापारको बिरोध जनाएका थिए ।