नारायणगढ । धर्मेन्द्र बास्तोला नेतृत्वको नेकपा (बहुमत) ले नवलपुरको कावासोती क्षेत्रका क्युप्रसाद बस्यालमाथि कालोमोसो दलेर जनकारबाही गरेको छ । बस्याल सो क्षेत्रका घरजग्गा कारोबारी भएको पाइएको छ ।

सो पार्टीले बस्याललाई जनकारवाही गर्नुपर्ने कारण पनि खुलाएको छ । सो पार्टीले यसबारेमा बस्याललाई करीब ६०० घरधुरी जनताको जमीन जालसाजी गरी आफ्नो नाममा बनाएको, जनताले पटक पटक आह्वान गर्दा पनि सम्पत्ति फिर्ता नगरेको, कावासोती नगरपालिका—४ का जनतालाई घरवारविहीन बनाएको आरोप लगाएको छ ।

बस्याललाई नेकपा (बहुमत)का कार्यकर्ताले कालोमोसो दलेका छन् । सो पार्टी देशमा भएको भ्रष्टाचार र दलालीका विरुद्ध संघर्ष गर्दै आएको छ ।