काठमाडौं । २ दिन अघि नेकपा (बहुमत)ले नवलपरासीका घरजग्गा कारोबारी क्यूप्रसाद बस्याललाई जनकारवाही स्वरुप कालोमोसो दलेकोप्रति नेकपा (माओवादी) केन्द्र कावासोती नगरसमितिले ऐक्यवद्धता जनाएको छ ।

नेकपा (माओवादी केन्द्र) कावासोती नगरसमितिले आज एक विज्ञप्ति जारी गर्दै यस्तो ऐक्यवद्धता जनाएको हो । नगर समिति अध्यक्ष बलराम ढकालले जारी गरेको विज्ञप्तिमा कर्मचारी प्रशासनको मिलेमतोमा स्थानीय जनताको बिगौंबिगाहा जग्गा आफ्नो नाममा बनाएका घरजग्गा कारोबारी बस्याललाई थप कानुनी कारवाही गर्नुपर्ने माग पनि गरिएको छ ।

विज्ञप्तिमा ढकालले पीडितका घरजग्गा तत्काल फिर्ता गर्नुपर्ने र पीडित जनताको हितमा काम गर्ने नेकपा (बहुमत)प्रति हरदम साथ र समर्थन रहने जनाएका छन् ।