कास्की । कास्कीमा विभिन्न पार्टी परित्याग गरी दर्जनौँ नेता—कार्यकर्ता नेपाल कम्युनिष्ट पार्टी (बहुमत) मा प्रवेश गरेका छन् । बहुमत कास्कीले आयोजना गरेको विशेष पार्टी प्रवेश कार्यक्रममा उनीहरुलाई पार्टीमा स्वागत गरिएको छ ।

पार्टी प्रवेश तथा स्वागत कार्यक्रमको सञ्चालन सबिनले गरेका थिए भने अध्यक्षता एल.बि सुजनले गरेका थिए । कार्यक्रममा बहुमतका महासचिव धर्मेन्द्र बास्तोला ‘कञ्चन’ प्रमुख अतिथि रहेका थिए ।
सो अवसरमा ४ नं. ब्यूरो इञ्चार्ज गुणराज लोहनी, पोलिटब्यूरो सदस्य तिलक पुन, कम्युनिष्ट युवा संगठनका अध्यक्ष हरिश भट्ट, पार्टी केन्द्रीय सदस्य नरेन्द्र चे लगायतका नेताहरू पनि उपस्थित थिए ।
कार्यक्रममार्फत् मात्रृका अधिकारी, रेशमराज पन्थी, बिमला तिवारी, जमुना लम्साल, छवि सुवेदी, सुरेशचन्द्र धिमिरे, दुर्गा आचार्य, देवराज ढकाल, मनोज गुरुङ, राजु सुनार, मिनादेवी नेपाली खत्री, सीता नेपाली, कमला नेपाली, राजकुमार तामाङ, टङ्कप्रसाद गौतम, कृष्णबहादुर सुनार, चिरञ्जीवि अधिकारी र सुवास अधिकारी लगायतका बहुमतमा प्रवेश गरेका हुन् ।

सो अवसरमा बहुमतका महासचिव कञ्चनसहितका नेताहरूले आफ्‌नो पार्टीमा प्रवेश गरेका सबै कार्यकर्तालाई स्वागत गरेका थिए ।

सो अवसरमा मन्तव्य राख्दै महासचिव कञ्चनले वैज्ञानिक समाजवादको लक्ष्य हासिल गर्न दृढ संकल्पसहित संघर्षमा होमिनुपर्ने जोड दिएका थिए ।