काठमाडौं । अमेरिकी राष्ट्रपति डोनाल्ड ट्रम्पले मंगलबार न्यूयोर्कमा अरब देशका नेतासँग गाजाको अवस्थाबारे छलफल गर्ने भएका छन् । यो छलफल इजरायली प्रधानमन्त्री बेन्जामिन नेतान्याहूको ट्रम्पसँगको भेटभन्दा अगाडि हुन लागेको हो । ट्रम्प र नेतान्याहूबीच सेप्टेम्बर २९ मा भेट हुने तय भएको छ । न्यूयोर्कमा संयुक्त राष्ट्र संघको महासभाको बैठकका बीच ट्रम्पले अरब नेताहरूसँग भेटवार्ता गर्न लागेका हुन् ।

यसमा साउदी अरेबिया, संयुक्त अरब इमिरेट्स, कतार, इजिप्ट, जोर्डन, टर्की, इन्डोनेसिया र पाकिस्तानका नेता सहभागी हुनेछन् । ट्रम्प इजरेली नेतेन्याहुँका समर्थक हुन् । जसले गाजामा निर्दोष मुस्लिमहरुको हत्या गरिरहेका छन् ।

बैठक बाहेक डोनाल्ड ट्रम्पले संयुक्त राष्ट्र संघको महासभालाई पनि सम्बोधन गर्नेछन् । महासभाको यसअघिको बैठकमा अमेरिकाले प्यालेस्टाइनलाई राज्यको मान्यता दिने प्रस्तावको विपक्षमा मतदान गरेर इजरेललाई मान्छे मार्ने अनुमति दिएको छ । अझ अमेरिकाले भिटो प्रयोग गरेर इजरेलको पक्षपोषण गर्दै आएको छ ।

इजरेल अमेरिकाले बनाइदिएको देश हो । जहाँबाट उसले सिंगो अरब जगतलाई नियन्त्रण गरिरहेको छ । नेतेन्याहुँ अमेरिकाको हवल्दारको रुपमा काम गर्ने जियोनस्टि शासक हुन् ।

यसैबीच फ्रान्सेली राष्ट्रपति इमानुएल म्याक्रोंले सोमबार संयुक्त राष्ट्र संघको महासभामा प्यालेस्टाइनलाई एक राष्ट्रको रूपमा मान्यता दिएका थिएपछि उनको लोकप्रियता चुलिएको छ ।

यसअघि आइतबार बेलायत, अष्ट्रेलिया, पोर्चुगल र क्यानडाले पनि प्यालेस्टाइनलाई राष्ट्रको मान्यता दिएका थिए । आजको विश्व राजनीति यही मुद्धामा अड्किएको छ । रुसले पनि गाजाको पक्षमा आफ्‌नो धारणा सार्वजनिक गरिसकेको छ ।