काठमाडौं । दुई दिनदेखि जारी नेकपा (माओवादी केन्द्र)को केन्द्रीय समिति बैठकमा ‘क्यान्टोन्मेन्ट प्रकरण’ बारे प्रश्न उठेको छ । केन्द्रीय सदस्य लक्ष्मण पन्तले लिखितै रूपमा क्यान्टोन्मेन्टमा बसेका जनमुक्ति सेनाको तलबबाट कट्टी गरेर जम्मा गरेको दुई अर्ब ८२ करोड बढीको ‘पिएलए फन्ड’बारे प्रश्न उठाएका हुन् ।

‘जनमुक्ति सेनाको शिविरमा १९ हजार ६०० को संख्यामा रहेका युएन (तत्कालीन अनमिन)बाट प्रमाणित जनमुक्ति सेनाको तलबबाट जनही मासिक दुई हजार पिएलए फन्ड’ को नाममा रकम कट्टी भयो,’ पन्तले सोधेका छन्, ‘६ वर्षको रकम जोड्दा यो रकम २ अर्ब ८२ करोड २४ लाख हुन आउँछ ।’

त्यो रकमको आय–व्ययको हिसाब तत्कालीन सम्बन्धित कमान्डरहरूबाट पार्टीमा प्रस्तुत हुनुपर्ने उनले माग गरे ।