
१राहत अनुदान शिक्षकको अवस्था र ट्रेड युनियन अधिकार
२बमको दर्शन
३यू्रोपमा भईरहेको आन्दोलनबाट नेपालका कम्युनिस्टले सिक्नुपर्ने शिक्षाहरु
४कार्यकर्ता नीतिबारे
५मातृभक्षणवादको नयाँ सिद्धान्त – २
६मातृभक्षणवादको नयाँ सिद्धान्त
७सांसद खगेन्द्र सुनारमाथि छानबिन गरी कारबाही गर्न महिला संगठनको माग
८चाडपर्वमा कालोबजारी, मदिरा र यातायात मनपरी नियन्त्रण गर्न नेकपा (बहुमत) दार्चुलाको माग
९नेसनल मेडिकल कलेज विरुद्ध अखिल (क्रान्तिकारी)द्वारा संघर्षको चेतावनी
११नेकपा (बहुमत) को प्रथम राष्ट्रिय सम्मेलन सम्पन्न, दिपक महासचिव चयन
१२वैचारिक संघर्षबारे
काठमाडौँ । स्वीडेनको करोलिन्स्का इन्स्टिच्युटले सोमबार सन् २०२५ को चिकित्सा तथा शरीरक्रिया (Physiology or Medicine) तर्फको नोबेल पुरस्कार विजेताको घोषणा गरेको छ । यस वर्षको नोबेल पुरस्कार मानव शरीरको प्रतिरक्षा प्रणालीबारे गरिएको क्रान्तिकारी अनुसन्धानका लागि तीन जना वैज्ञानिकलाई प्रदान गरिने भएको हो ।
नोबेल समिति अनुसार म्यारी ई. ब्रन्को, फ्रेड राम्सडेल र शिमोन सकागुचीलाई “प्रेरिफेरल इम्यून टोलरेन्स” सम्बन्धी अनुसन्धानका लागि यो वर्षको पुरस्कार दिइने निर्णय गरिएको हो । उनीहरूको अनुसन्धानले शरीरको प्रतिरक्षा प्रणालीले कसरी हानिकारक तत्वसँग लड्ने र आफ्नै कोषहरूलाई क्षति नपुग्ने गरी नियन्त्रणमा राख्ने भन्ने विषयमा महत्वपूर्ण खोज गरेको छ ।
करोलिन्स्का इन्स्टिच्युटकी रुमेटोलोजी प्रोफेसर म्यारी वारहेन–हर्लेनियसले आफूहरूको अध्ययनले प्रतिरक्षा प्रणाली सन्तुलनमा राख्ने आधार तयार गरेको बताइन् । उनका अनुसार, “यो अनुसन्धानले शरीरलाई सुक्ष्मजीवसँग लड्न सक्षम बनाउने मात्र होइन, स्व–प्रतिरक्षा रोग (Autoimmune Diseases) बाट जोगिन पनि मद्दत गर्छ ।” नोबेल पुरस्कार प्रदान गर्ने संस्थाले विज्ञप्तिमार्फत भनेको छ, “उनीहरूको अनुसन्धानले नयाँ अनुसन्धान क्षेत्रको ढोका खोलेको छ र क्यान्सर तथा स्व–प्रतिरक्षा रोगहरूको उपचार विकासमा नयाँ प्रेरणा दिएको छ ।” नोबेल पुरस्कार विजेताहरूलाई औपचारिक रूपमा डिसेम्बर १० मा स्टकहोममा आयोजित समारोहमा पुरस्कार र पदक प्रदान गरिने छ ।
प्रतिक्रिया