
१राहत अनुदान शिक्षकको अवस्था र ट्रेड युनियन अधिकार
२बमको दर्शन
३यू्रोपमा भईरहेको आन्दोलनबाट नेपालका कम्युनिस्टले सिक्नुपर्ने शिक्षाहरु
४कार्यकर्ता नीतिबारे
५मातृभक्षणवादको नयाँ सिद्धान्त – २
६मातृभक्षणवादको नयाँ सिद्धान्त
७सांसद खगेन्द्र सुनारमाथि छानबिन गरी कारबाही गर्न महिला संगठनको माग
८चाडपर्वमा कालोबजारी, मदिरा र यातायात मनपरी नियन्त्रण गर्न नेकपा (बहुमत) दार्चुलाको माग
९नेसनल मेडिकल कलेज विरुद्ध अखिल (क्रान्तिकारी)द्वारा संघर्षको चेतावनी
११नेकपा (बहुमत) को प्रथम राष्ट्रिय सम्मेलन सम्पन्न, दिपक महासचिव चयन
१२वैचारिक संघर्षबारे
काठमाडौँ । नेपाली महिला क्रिकेट टिमकी कप्तान इन्दु बर्माले नेपाली क्रिकेट इतिहासमा ऐतिहासिक उपलब्धि हासिल गरेकी छन् । उनले महिला ट्वान्टी–२० अन्तर्राष्ट्रिय क्रिकेटमा १ हजार रन पूरा गर्ने पहिलो नेपाली महिला खेलाडी बनेकी हुन् । मलेसियाविरुद्धको चौथो टी–२० अन्तर्राष्ट्रिय खेलमा १५ रन बनाएसँगै इन्दुले यो माइलस्टोन पूरा गरिन् । यो उनको ७७औँ खेल थियो । इन्दुको टी–२० अन्तर्राष्ट्रिय करियरमा हालसम्म १ अर्धशतक रहेको छ, जुन उनले सन् २०२१ मा कतारविरुद्ध दोहामा ५५ रन बनाएर हासिल गरेकी थिइन् । उनले हालसम्म ७३ चौका र ३ छक्का प्रहार गरेकी छन् ।
यो कीर्तिमानसँगै इन्दु नेपाली महिला क्रिकेटमा सर्वाधिक रन बनाउने खेलाडी बनेकी छन् । यसअघि सीता रानामगरले ६२ खेलमा ९६५ रन र रुविना क्षेत्रीले ७८ खेलमा ९१६ रन बनाइसकेकी थिए । पछिल्ला दुई खेलमा सीता प्लेइङ ११ मा परेकी छैनन् । रुविना र सीतापछि इन्दु नेपाली महिला टोलीकी सबैभन्दा अनुभवी खेलाडी हुन् । उनले सन् २०११ देखि राष्ट्रिय टोलीमा खेल्दै आएकी हुन् । यद्यपि नेपालले सन् २०१९ देखि मात्र महिला टी–२० अन्तर्राष्ट्रिय खेल्न थालेको हो, त्यसैले उनको यो उपलब्धि पछिल्ला ६ वर्षको निरन्तर प्रदर्शनमा आधारित छ । इन्दुले पहिलो अन्तर्राष्ट्रिय प्रतियोगिता २०१० मा सिंगापुरमा भएको एसीसी यू–१९ कपमा खेलेकी थिइन् । मंगलबारको जितसँगै नेपालले मलेसियाविरुद्धको पाँच खेलको टी–२० सिरिजमा २–२ को बराबरी गरेको छ । अन्तिम खेलले सिरिजको निर्णायक परिणाम तय गर्नेछ ।
प्रतिक्रिया