गाजा स्ट्रीप । प्यालेस्टाइनी विद्रोही समूह हमासले करिब ७ हजार लडाकूलाई पुनः गाजामा तैनाथ गरेको छ ।

युद्धविरामसँगै गाजाबाट इजरायली सेना फिर्ता भएपछि पुनः आफ्नो नियन्त्रण कायम गर्न लडाकू तैनाथ गरिएको हमासले जानकारी दिएको अन्तर्राष्ट्रिय सञ्चारमाध्यमहरूले उल्लेख गरेका छन् ।

प्राप्त समाचारमा उल्लेख भएअनुसार हमासले गाजालाई इजरायलबाट मुक्त गर्ने उद्देश्य रहेकोले तैनाथ लडाकुहरूलाई २४ घण्टाभित्र रिपोर्ट गर्न निर्देशन दिइएको छ ।

हमासका केही लडाकू सादा पोशाकमा देखिएका छन् भने केहीले सैन्य पोशाक लगाएका छन् । गाजामा अहिले युद्धविराम लागू भइसकेको छ । दुवैतर्फका बन्धक तथा बन्दी रिहाइका लागि काम भइरहेको छ ।