२८ असोज, काठमाडौं । इजरायलमा अध्ययनरत नेपाली विद्यार्थी विपिन जोशीको निधनबारे इजरायल सरकारले नेपाल सरकारलाई औपचारिक जानकारी गराएको छ । मंगलबार साँझ परराष्ट्र सचिव अमृत बहादुर राई र इजरायलका परराष्ट्र मन्त्रालयका समकक्षी इदेन बरतलबीच टेलिफोन संवाद भएको परराष्ट्र मन्त्रालयले जनाएको छ । उक्त संवादका क्रममा इजरायली पक्षले जोशीको मृत्युबारे नेपाललाई औपचारिक रूपमा अवगत गराएको हो ।
जोशी इजरायलमा अध्ययनका क्रममा हमासको आक्रमणमा परेर मृत्यु भएका थिए। उनको शव नेपाल पठाउने प्रक्रिया सुरु भएको मन्त्रालयले जानकारी दिएको छ । परराष्ट्र मन्त्रालयका अनुसार इजरायलमा रहेका अन्य नेपाली विद्यार्थीहरूको अवस्थाबारे पनि दुई देशका अधिकारीहरूबीच निरन्तर सम्पर्क जारी रहेको छ।