काठमाडौं । चीनको कम्युनिष्ट पार्टीले सेनाभित्र चलिरहेको भ्रष्टाचार विरोधी अभियानबीच झाङ शेङमिनलाई देशको दोस्रो सर्वोच्च सैन्य अधिकारीका रूपमा नियुक्त गरेको छ । चार दिनसम्म चलेको केन्द्रीय समितिको बैठकपछि झाङलाई केन्द्रीय सैन्य आयोगको दोस्रो श्रेणीको उपाध्यक्ष बनाइएको घोषणा गरिएको हो । यो आयोग चीनको सबैभन्दा शक्तिशाली सैन्य निकाय मानिन्छ । झाङ अब राष्ट्रपति सी जिनपिङपछि आयोगका पहिलो श्रेणीका उपाध्यक्षहरूपछि तेस्रो सबैभन्दा वरिष्ठ पदमा रहेका छन् ।
गत हप्ता चीनको रक्षा मन्त्रालयले गम्भीर आर्थिक अपराधको आरोपमा नौ जना उच्च पदस्थ जनरललाई बर्खास्त गरेको घोषणा गरेको थियो । यीमध्ये केही वायुसेना र मिसाइल फोर्सका वरिष्ठ अधिकारी थिए । विश्लेषकहरूका अनुसार झाङको पदोन्नति र बर्खास्तीको क्रम केवल भ्रष्टाचार विरोधी अभियान मात्र नभई राजनीतिक शुद्धीकरण (political cleansing) को रूपमा पनि व्याख्या गर्न सकिन्छ ।