टोकियो । जापानमा पहिलोपटक महिला प्रधानमन्त्री चयन भएकी छन् । लिबरल डेमोक्रेटिक पार्टी (एलडीपी) की अध्यक्ष सानाई टाकाची जापानकी प्रधानमन्त्रीमा निर्वाचित भएकी हुन् । संसद्को तल्लो सदनमा भएको मतदानमा टाकाचीले २३७ मत प्राप्त गरी प्रधानमन्त्री निर्वाचित भइन् । उनका प्रतिस्पर्धीले भने १४९ मत मात्र पाए ।
जापानको सबैभन्दा ठूलो दल एलडीपीले जापान इनोभेसन पार्टीसँग गठबन्धन गरेर नयाँ सरकार गठन गर्ने तयारी गरेको छ । ६४ वर्षीया टाकाची एक महिनाअघि मात्रै पार्टीको अध्यक्षमा निर्वाचित भएकी थिइन् । पूर्वसुरक्षामन्त्री समेत रहेकी उनी करिब तीन दशकदेखि संसदमा सक्रिय राजनीतिज्ञ हुन् ।