मकवानपुर, मंसिर २३ – नेपाल कम्युनिस्ट पार्टी (बहुमत) मकवानपुर जिल्ला समितिले जिल्लाको उपमहानगर–हेटौंडामा सडक विस्तारको नाममा भएको जनविरोधी हर्कतको कडा विरोध जनाएको छ । जिल्ला समिति मकावनपुर द्धारा जारी विज्ञप्तिमा उक्त कुरा उल्लेख गर्दै सरकार तथा स्थानीय तहको भूमिकालाई “जनविरोधी” भन्दै विरोध प्रकट गरेको हो । पार्टीले स्थानीय प्रशासन तथा सरकारले जनतामाथि जबर्जस्ती नक्सा लागू गरेर घरधुरी भत्काई डर सिर्जना गरेको आरोप लगाउँदै, यसलाई “गम्भीर जनविरोधी गतिविधि” को रूपमा व्याख्या गरेको छ । पार्टीले भनेको छ— सडक विस्तार जनविरोधी तरिकाले नभई जनताको घर–सम्पत्तिमा न्यूनतम असर नपर्ने गरी, यथोचित क्षतिपूर्तिको व्यवस्था गर्दै अघि बढाउनुपर्नेमा जोड दिएको छ ।
जनताको घरमाथि बुल्डोजर चलाउने प्रयासहरू भए पार्टीले त्यसको सम्पूर्ण रुपमा विरोध गर्ने चेतावनी समेत दिएको छ । पार्टीका अनुसार, “सडक विस्तार जनताको घरबारमै धावा बोल्ने शैलीमा हुनुहुँदैन, विकासका नाममा जनतालाई पीडा दिने काम तत्काल बन्द हुनुपर्छ ।” पार्टीले सहि नक्सा, व्यवस्थित योजना र जनउत्तरदायित्वसहित मात्र सडक विस्तार कार्य अघि बढाउन आग्रह गरेको छ ।