काठमाडौं । अख्तियार दुरुपयोग अनुसन्धान आयोगले कञ्चनपुरको बेलडाँडी गाउँपालिका–२ मा घर नबनाई बनेको भनी नक्सा तयार गरी बैंकबाट ऋण लिएको प्रकरणमा संलग्न रहेको भन्दै जग्गाधनी शान्ति नाथसहित स्थानीय तहका कर्मचारीविरुद्ध आरोपपत्र दायर गरेको छ । आयोगका अनुसार सम्बन्धित जग्गामा कुनै पनि भौतिक संरचना निर्माण नभएको अवस्थामा समेत घर बनेको भनी गलत नक्सा तथा कागजात तयार पारिएको थियो । ती कागजातका आधारमा लक्ष्मी सनराइज बैंक, कञ्चनपुर शाखाबाट ठूलो रकमको ऋण लिइएको पाइएको छ । अनुसन्धानका क्रममा तत्कालीन प्रमुख प्रशासकीय अधिकृत, सब–इन्जिनियर तथा सहायक सब–इन्जिनियरले आपसी मिलेमतोमा नियमविपरीत नक्सा प्रमाणीकरण गरी भ्रष्टाचारजन्य कार्य गरेको ठहर गर्दै आयोगले उनीहरूविरुद्ध विशेष अदालतमा मुद्दा दायर गरेको जनाएको छ ।
नेकपा (बहुमत) को साहयक संगठन तत्कालिन क्रान्तिकारी युवा संगठन नेपाल हाल कम्युनिस्ट युवा संगठन नेपाल कन्चनपुरले अखतियारमा बेल्डाडी गाउंपालिका उपाध्यक्ष शान्ति नाथ विरुद्व मुद्वा दायर गरेको थियो । त्यसको जगमा सान्ति नाथ लगायत ४ जना विरुद्व आरोप पत्र दायर भएको छ भने उपाध्यक्ष शान्ति नाथ निलम्वन परेकी छन् । यो सबै हाम्रो संगठनको पहलकदमीमा भएको कम्युनिस्ट युवा संगठन नेपाल का केन्द्रीय सभिव दिपेन्द्र सिंह ऐरीले बताएका छन् । यसै गरी हामी संघर्षका विभिन्न रुपहरु प्रयोग गरेर जनताको सेवा गरिरहने पनि उनले बताए ।