बाँके । नेकपा (बहुमत) निकट कम्युनिस्ट युवा संगठन नेपाल ६ नं. ब्यूरोको बैठक बाँकेमा सम्पन्न भएको छ । बैठक संगठनका ब्युरो इन्चार्ज दिपेन्द्र सिंह ऐरीको अध्यक्षता र पार्टीका ६ नं. ब्युरो इन्चार्ज अनन्तको प्रमुख आतिथ्यमा सम्पन्न भएको हो । बैठकमा इन्चार्ज दिपेन्द्र सिंह ऐरीले तीन महिना अघि भदौ २३ र २४ गतेको जेनजी आन्दोलनपछि पनि भ्रष्टाचार नघटेको भन्दै त्यसविरुद्ध सशक्त संघर्षको आवश्यकता रहेको टिप्पणी गरे । उनले भ्रष्टाचारविरुद्ध निरन्तर दबाब आन्दोलन सञ्चालन गर्न संगठन तयार रहेको बताए ।
बैठकमा बोल्दै प्रमुख अतिथि अनन्तले भ्रष्टाचार नियन्त्रणका लागि शक्तिशाली भूमिका निर्वाह गर्न युवाहरुलाई निर्देशन दिएका थिए । साथै उनले अहिले देशको स्वाधीनता खतरामा भएकोले स्वाधीन संयुक्त सरकार गठनको नारालाई ब्यापक बनाउनु पर्ने बताए । बैठकमा प्रदेशभित्र संगठन सुदृढीकरण, आगामी कार्यक्रम तथा युवा परिचालनका विषयमा पनि विस्तृत छलफल गरेको वैठकमा सहभागी एक नेताले बताए । बैठकमा उपस्थित पार्टीका बर्दिया ईन्चार्ज कृष्ण शाहले पार्टीले घोषणा गरेको जनसंविधानका लागि जनसंघर्ष अभियानलाई ब्यवस्थित गर्नु पर्ने बताए ।