कास्की । नेपाल कम्युनिष्ट पार्टी (बहुमत) ४ नं. ब्युरोले पर्यटकीय क्षेत्र फेवातालमा सरसफाई गरेर जनसंविधानका लागि जनसंघर्ष अभियान सुरु गरेको छ । आज उद्घाटन गरिएको कार्यक्रममा पार्टी केन्द्रीय सचिवालय सदस्य तथा ४ नं.ब्युरो इन्चार्ज संगमले उक्त अभियानको नेतृत्व गर्दै जनताको अधिकार, जनतासँगको सम्बन्ध विस्तार तथा संगठन निर्माण नै अभियानको मुख्य लक्ष्य रहेको बताए । साथै उनले “यस संविधानले नेपाली जनताको रक्षा गर्न सकेन, त्यसैले अब जनसंविधानका लागि सबै तयार हुनुपर्छ ।” देशको वर्तमान राजनीतिक संकट समाधान गर्न स्वाधीन सरकार निर्माण नै विकल्प भएको उनको भनाइ थियो ।
साथै कास्की जिल्ला इन्चार्ज सुजनले “यो व्यवस्था दलालहरूद्वारा सञ्चालन हुँदै आएको हुँदा अहिले हुने निर्वाचनको पूर्णरूपमा बहिष्कार गर्नुपर्ने“ आवश्यकता पार्टीले महसुस गरेको र विद्यमान संविधान जनताको हितमा निर्माण हुन नसकेको भन्दै यसलाई “दलाल र माफियाहरूको संविधान” को रूपमा व्याख्या गरे । साथै उनले कास्कीको पोखरा बाट शुरु गरिएको यो अभियान गण्डकी प्रदेशका सबै जिल्लाहरुमा चलाउने गरि सोचिएकोे बताए ।