बर्दिया । कम्युनिस्ट युवा संगठन नेपाल बर्दियाको दोस्रो जिल्ला भेला सम्पन्न भएको छ । भेलाले जगदिश वलीको नेतृत्वमा १३ सदस्यीय जिल्ला समिति सर्वसम्मत रूपमा चयन गरेको छ । संगठनका पश्चिम कमाण्ड इन्चार्ज दिपेन्द्र सिंह ऐरीकोे प्रमुख आतिथ्यतामा सम्पन्न भेलामा नेकपा (बहुमत) का ६ नम्बर ब्युरो इन्चार्ज अनन्तको बिशेष उपस्थिति रहेको थियो । भेलालाई सम्बोधन गर्दै प्रमुख अतिथि ऐरीले देश गम्भीर राजनीतिक, आर्थिक र सामाजिक संकटमा रहेको उल्लेख गर्दै सबै युवाहरू एकताबद्ध भएर संघर्षमा अघि बढ्नुपर्ने आवश्यकता औंल्याए ।
विशेष अतिथि अनन्तले देशको स्वाधीनता र सार्वभौमिकताको रक्षा गर्न वैज्ञानिक समाजवादी क्रान्ति अपरिहार्य भएको बताए । भेलामा बर्दिया जिल्ला पार्टी ईन्चार्ज परिवर्तन, सल्लाहकार समिति सदस्य जागरण, पार्टी जिल्ला सचिव दिलमान केसी, व्युरो कार्यालय सचिव केसर लावड, जनस्वयंमसेवकबाट टाईगर लगायतका नेताहरुको उपस्थिती रहेको थियो ।