दाङ । नेकपा (बहुमत) ५ नम्बर ब्यूरो अन्तर्गत जनसंविधानका लागि जनसंघर्ष कार्यक्रममार्फत सञ्चालन भइरहेको सिस्ने–सुस्ता अभियान तथा अखिल (क्रान्तिकारी) को विद्यार्थी जागरण अभियान व्यूरोका विभिन्न जिल्लामा संयुक्त रूपमा निरन्तर अघि बढिरहेको छ । यसैक्रममा दाङमा विद्यार्थी संगठन विस्तारलाई तीव्र बनाउँदै अखिल (क्रान्तिकारी) ले निःशुल्क शिक्षा, राष्ट्रिय स्वाधीनताको रक्षा र भ्रष्टाचारको अन्त्य भन्ने मूल नारासहित सञ्चालन गरेको विद्यार्थी जागरण अभियानअन्तर्गत घोराही उपमहानगरपालिका–स्थित बालबिकाश माध्यमिक विद्यालयमा विद्यार्थी संगठन विस्तार गरिएको छ । अभियान अन्तर्गत घोराही उपमहानगरपालिका–स्थित बालबिकाश माध्यमिक विद्यालयमा विद्यार्थी संगठन विस्तार गरिएको छ । कार्यक्रममा अखिल (क्रान्तिकारी) का केन्द्रीय सदस्य तथा दाङ जिल्ला अध्यक्ष नरेन्द्र बिकले निजीकरणमुखी शिक्षा प्रणालीका कारण गरिब तथा श्रमजीवी वर्गका विद्यार्थी शिक्षा पहुँचबाट वञ्चित भइरहेको बताए ।
केन्द्रीय सदस्य तथा कपिलवस्तु संयोजक कमल पुनले विद्यार्थी आन्दोलन सामाजिक परिवर्तनको आधार भएको उल्लेख गर्दै सचेत र संगठित हुन आग्रह गरेका थिए । पार्टी स्रोतका अनुसार पार्टी र बिद्यार्थी संगठन द्वारा जारी अभियानमा शैशिक माफिया ,अनियमितता र मिटरब्याजमा जोडिएका व्यक्तिहरूलाई कारबाही जारी राखिएको छ ।