
१राहत अनुदान शिक्षकको अवस्था र ट्रेड युनियन अधिकार
२बमको दर्शन
३यू्रोपमा भईरहेको आन्दोलनबाट नेपालका कम्युनिस्टले सिक्नुपर्ने शिक्षाहरु
४कार्यकर्ता नीतिबारे
५मातृभक्षणवादको नयाँ सिद्धान्त – २
६मातृभक्षणवादको नयाँ सिद्धान्त
७सांसद खगेन्द्र सुनारमाथि छानबिन गरी कारबाही गर्न महिला संगठनको माग
८चाडपर्वमा कालोबजारी, मदिरा र यातायात मनपरी नियन्त्रण गर्न नेकपा (बहुमत) दार्चुलाको माग
९नेसनल मेडिकल कलेज विरुद्ध अखिल (क्रान्तिकारी)द्वारा संघर्षको चेतावनी
११नेकपा (बहुमत) को प्रथम राष्ट्रिय सम्मेलन सम्पन्न, दिपक महासचिव चयन
१२वैचारिक संघर्षबारे
दाङ । नेपाल कम्युनिस्ट पार्टी (बहुमत) दाङ जिल्लाको पाँचौँ पूर्ण बैठक सम्पन्न भएको छ । बैठकमा जनसंविधानका लागि जनसंघर्षअन्तर्गत सञ्चालन भइरहेको सिस्ने–सुस्ता अभियानले जिल्लामा पारेको प्रभाव तथा आगामी फागुन २१ गते हुने भनिएको संसदीय चुनाव को विषयमा व्यापक समीक्षा गरिएको पार्टीले जनाएको छ ।
बैठकमा केन्द्रीय सदस्य तथा ५ नम्बर ब्युरो कार्यालय सचिव अमर को प्रमुख आतिथ्यमा सम्पन्न भएको हो । बैठकको अध्यक्षता जिल्ला सेक्रेटरी सजक ले गरेका थिए ।
बैठकमा धारणा राख्दै प्रमुख अतिथि अमरले फागुनमा हुने भनिएको कथित संसदीय चुनावले कुनै पनि हालतमा देशलाई निकास नदिने बताए । उनले शिक्षा, स्वास्थ्य र रोजगारीको सुनिश्चितता नभएको अवस्थामा पटक–पटक चुनाव गराएर कुनै अर्थ नरहने भन्दै आफ्नो पार्टीले उक्त चुनाव बहिष्कार गर्ने स्पष्ट घोषणा गरे ।
अमरले नेपाली श्रमिक जनता, मिटरब्याजी पीडित, लघुवित्त पीडित तथा सुकुम्बासीहरूलाई राज्यले न्याय दिन नसकेको आरोप लगाए । संसदीय दलहरूले ती वर्गलाई भोट बैंकका रूपमा मात्र दुरुपयोग गरिरहेको उनको भनाइ थियो । वर्तमान व्यवस्था र संविधानले नेपाली जनतालाई न्याय नदिई उल्टै वर्गीय, जातीय तथा धार्मिक विभेदलाई संरक्षण गर्दै सामन्ती–पूँजीवादी शक्तिहरूको हित रक्षा गरिरहेको उनले दाबी गरे ।
उनले वैज्ञानिक समाजवादी राज्यसत्ता स्थापनाका लागि अघि बढ्नुपर्ने आवश्यकता औँल्याउँदै पार्टीका लागि सक्रिय रूपमा काम गर्ने कार्यकर्ताहरूलाई उचित मूल्याङ्कनसहित पुरस्कार गरिने पनि बताए ।
बैठकमा जिल्ला पार्टी सेक्रेटरी सजकले पार्टी कार्यकर्ताहरूलाई संगठन सुदृढीकरण र जनसम्पर्क विस्तारमा अझ सक्रिय हुन निर्देशन दिए । उनले जनसंविधानका लागि जनसंघर्ष अभियानअन्तर्गत सञ्चालन गरिएको सिस्ने–सुस्ता अभियानले दाङ जिल्लामा सकारात्मक प्रभाव पारेको निष्कर्ष बैठकले निकालेको बताए ।
सजकका अनुसार आगामी दिनमा पार्टीले जनसंविधानको पक्षमा जनस्तरसम्म अभियानलाई थप विस्तार गर्दै पीडित वर्गको पक्षमा संघर्षलाई निरन्तरता दिने निर्णय गरेको बताए ।
प्रतिक्रिया