काठमाडौं । बंगलादेशमा सम्पन्न संसदीय निर्वाचनमा तारिक रहमान नेतृत्वको Bangladesh Nationalist Party (बीएनपी) ले दुई तिहाइ बहुमतसहित ऐतिहासिक जित हात पारेको छ । अपदस्त प्रधानमन्त्री शेख हसिना नेतृत्वको Awami League लाई प्रतिबन्ध लगाएर सम्पन्न निर्वाचनमा बीएनपीले २० वर्षपछि सत्तामा प्रभावशाली पुनरागमन गरेको हो । निर्वाचन आयोगका अनुसार बीएनपीले २०९ सीट जित्दै स्पष्ट दुई तिहाइ बहुमत सुरक्षित गरेको छ । यसअघि प्रतिबन्धको सामना गरेको Bangladesh Jamaate Islami ले ६८ सीट जितेर प्रमुख प्रतिपक्षी दलको स्थान सुरक्षित गरेको छ।
हसिनाविरुद्धको विद्यार्थी आन्दोलनबाट उदाएको Nepal Citizen Party (एनसीपी) ले भने अपेक्षाकृत कमजोर प्रदर्शन गर्दै ६ सीटमा सीमित भएको छ । पार्टीका नेता नाहिद इस्लाम भने आफ्नै क्षेत्रमा विजयी भएका छन् । एनसीपीले जमातसँग तालमेल गरी चुनाव लडेको थियो । निर्वाचनमा करिब ६० प्रतिशत मत खसेको आयोगले जनाएको छ । केही साना दलले ७ सीट तथा स्वतन्त्र उम्मेदवारले पनि ७ स्थानमा जित हासिल गरेका छन् ।
यता जमातले मतगणनाप्रति असन्तुष्टि जनाउँदै धाँधलीको आरोप लगाएको छ । तर राजनीतिक विश्लेषकहरूले बीएनपीको विजयलाई ‘स्वाभाविक जनमत’ को परिणाम बताएका छन् ।