काभ्रे । कथित चुनाव बहिष्कार तथा खारेजी अभियानमा संलग्न रहेको आरोपमा काभ्रे जिल्ला इन्चार्ज सुन्तली थोकरलाई प्रहरीले पक्राउ गरेको छ । पार्टीका अनुसार २०८२ फागुन ८ गते दिउँसो करिब ३ बजेतिर उपचारका लागि अस्पताल जाँदै गरेकी थोकरलाई पनौतीबाट प्रहरीले नियन्त्रणमा लिएको हो । पार्टीले चुनाव बहिष्कार तथा खारेजी अभियानमा सहभागिता जनाएको आरोपमा पक्राउ गरिएको दाबी गर्दै यसलाई राजनीतिक प्रतिशोध र दमनको निरन्तरता भनेको छ। साथै, विभिन्न स्थानमा नेता–कार्यकर्ताको घर तथा कोठामै पुगेर गिरफ्तार गरिएको आरोप पनि पार्टीले लगाएको छ । सरकारको यस्तो कदमलाई पार्टीले “कायरतापूर्ण र अलोकतान्त्रिक शैली” को संज्ञा दिँदै घोर भत्र्सना गरेको छ । पक्राउ परेका सुन्तली थोकरसहित सबै नेता–कार्यकर्ताको यथाशीघ्र रिहाइ गर्न पार्टीले सरकारसँग जोडदार माग गरेको छ ।