दाङ । नेपाल कम्युनिष्ट पार्टी (बहुमत) ले आफ्ना केन्द्रीय सदस्य तथा दाङ जिल्ला सचिवसहितका नेताहरूको पक्राउप्रति गम्भीर आपत्ति जनाउँदै तत्काल रिहा गर्न माग गरेको छ । पार्टीका केन्द्रीय कार्यालय सचिव अविरलद्वारा जारी प्रेस वक्तव्यमा दाङ जिल्ला सचिव सञ्जक र जिल्ला कमिटी सदस्य गणेशलाई फागुन १२ गते दिउँसो करिब ४ः३० बजे दाङको तुलसीपुरबाट बिनाकारण प्रहरीले पक्राउ गरेको उल्लेख छ । वक्तव्यमा शान्तिपूर्ण राजनीतिक गतिविधिमा संलग्न नेताहरूलाई पक्राउ गर्नु नागरिकको नैसर्गिक अधिकारमाथिको हस्तक्षेप भएको भन्दै त्यसको भत्र्सना गरिएको छ ।
पार्टीले वर्तमान राजनीतिक अवस्थाबारे टिप्पणी गर्दै संसदवादी चुनावमार्फत देशका मौलिक समस्या समाधान हुन नसक्ने दाबी गरेको छ । उसले निकासका लागि राष्ट्रिय सहमतिको आधारमा स्वाधीन संयुक्त सरकार गठन गर्नुपर्ने तथा जनसंविधानको बाटोमा अघि बढ्नुपर्ने प्रस्तावसमेत अघि सारेको छ । पार्टीले आफ्ना नेताहरूको पक्राउलाई गैरन्यायिक कदमको संज्ञा दिँदै तत्काल बिना सर्त रिहा गर्न सरकारसँग माग गरेको छ ।