काठमाडौँ । ट्वान्टी–२० विश्वकप २०२६ अन्तर्गत सुपर एट चरणको खेलमा न्युजिल्यान्डले श्रीलंकामाथि ६१ रनको प्रभावशाली जित निकालेको छ । जितका लागि १ सय ६९ रनको लक्ष्य पछ्याएको श्रीलंकाले निर्धारित २० ओभरमा ८ विकेट गुमाएर १ सय ७ रन मात्र बनाउन सक्यो ।
सुपर एट समूह २ मा लगातार दोस्रो हार बेहोरेसँगै श्रीलंका प्रतियोगिताबाट बाहिरिएको छ । दुई खेलबाट शून्य अंकमा सीमित श्रीलंका अन्तिम दुईमा पुग्न असफल रह्यो । न्युजिल्यान्ड भने दुई खेलबाट ३ अंक जोड्दै समूहको दोस्रो स्थानमा उक्लिएको छ । यसअघि नै ४ अंकसहित इंग्ल्यान्ड सेमिफाइनलमा पुगिसकेको छ ।