कास्की — नेकपा(बहुमत) कास्की जिल्ला समितिले आफ्ना नेता तथा कार्यकर्ताको गिरफ्तारीप्रति आपत्ति जनाउँदै तत्काल रिहाइको माग गरेको छ । जिल्ला सचिव एल.बी. सुजनद्वारा बुधबार जारी प्रेस विज्ञप्तिमा पार्टीले देशमा विद्यमान राजनीतिक, सामाजिक, आर्थिक तथा सांस्कृतिक समस्याविरुद्ध निरन्तर संघर्ष गर्दै आएको उल्लेख गरेको छ । विज्ञप्तिमा वर्तमान संसदीय व्यवस्थाले जनताका समस्याको समाधान गर्न नसकेको आरोप लगाउँदै वैज्ञानिक समाजवादी क्रान्तिमार्फत मात्रै निकास सम्भव हुने दाबी गरिएको छ ।
पार्टीका अनुसार हालैको चुनाव बहिष्कार कार्यक्रमपछि सुरक्षा निकायले बिना कारण आफ्ना जिल्ला समिति सदस्यहरू विद्यार्थी नेता, मजदुर नेता लगायतलाई पक्राउ गरी हिरासतमा राखेको छ । पक्राउ परेकामध्ये जिल्ला सदस्य कालु, विद्यार्थी नेता बासु, मजदुर नेता मनोज र प्रकाश रहेको विज्ञप्तिमा उल्लेख छ । पार्टीले उक्त गिरफ्तारीलाई “गैरकानुनी” भन्दै घोर आपत्ति जनाएको छ र बिना सर्त तत्काल रिहा गर्न माग गरेको छ