मकवानपुर, चैत । नेपाल कम्युनिस्ट पार्टी (बहुमत) मकवानपुर जिल्ला समितिले भिम प्रसाद दुलालको निधनप्रति गहिरो दुःख व्यक्त गरेको छ । जिल्ला इन्चार्ज अग्रीमद्धारा जारी गरेको शोक वक्तव्यअनुसार, पार्टीका जिल्ला समिति सदस्य देव प्रसाद दुलालका पिता भिम प्रसाद दुलालको ८५ वर्षको उमेरमा असामयिक निधन भएको हो । उक्त घटनाले पार्टीलाई गम्भीर क्षति पुगेको जनाइएको छ । वक्तव्यमा भनिएको छ, “उहाँको निधनले हाम्रो पार्टी मकवानपुर जिल्लालाई मात्र नभई सम्पूर्ण पार्टी पंक्तिलाई स्तब्ध र दुःखी बनाएको छ ।” साथै, दिवंगतप्रति भावपूर्ण श्रद्धाञ्जली अर्पण गर्दै शोकसन्तप्त परिवारजनप्रति हार्दिक समवेदना व्यक्त गरिएको छ ।