
१राहत अनुदान शिक्षकको अवस्था र ट्रेड युनियन अधिकार
२बमको दर्शन
३यू्रोपमा भईरहेको आन्दोलनबाट नेपालका कम्युनिस्टले सिक्नुपर्ने शिक्षाहरु
४कार्यकर्ता नीतिबारे
५मातृभक्षणवादको नयाँ सिद्धान्त – २
६मातृभक्षणवादको नयाँ सिद्धान्त
७सांसद खगेन्द्र सुनारमाथि छानबिन गरी कारबाही गर्न महिला संगठनको माग
८चाडपर्वमा कालोबजारी, मदिरा र यातायात मनपरी नियन्त्रण गर्न नेकपा (बहुमत) दार्चुलाको माग
९नेसनल मेडिकल कलेज विरुद्ध अखिल (क्रान्तिकारी)द्वारा संघर्षको चेतावनी
११नेकपा (बहुमत) को प्रथम राष्ट्रिय सम्मेलन सम्पन्न, दिपक महासचिव चयन
१२वैचारिक संघर्षबारे
इस्लामाबाद । पाकिस्तानको मध्यस्थतामा अमेरिका र इरानबीच भएको उच्चस्तरीय शान्तिवार्ता २१ घण्टासम्म चले पनि कुनै निष्कर्षमा नपुग्दै समाप्त भएको छ । मध्यपूर्वमा बढ्दो तनाव अन्त्य गर्ने उद्देश्यले आयोजना गरिएको उक्त वार्ता शनिबार सुरु भई आइतबार टुंगिएको हो । वार्ता विफल हुनुका कारणबारे दुवै पक्षले एकअर्कालाई दोष दिएका छन् । इरानले अमेरिकी पक्षका ‘अव्यावहारिक माग’का कारण प्रगति हुन नसकेको जनाएको छ भने अमेरिकाले आफूहरू लचिलो र सहयोगी भए पनि इरानले आवश्यक प्रतिबद्धता नदेखाएको आरोप लगाएको छ । वार्ताको मुख्य गाँठो इरानको आणविक कार्यक्रम बनेको थियो । अमेरिकी प्रतिनिधिमण्डलले इरानसँग आणविक हतियार विकास नगर्ने स्पष्ट र ठोस प्रतिबद्धता माग गरेको थियो । तर इरानले आफूले आणविक बम बनाउने उद्देश्य नराखेको दाबी गर्दै अमेरिकी मागलाई अस्वीकार गरेको बताइएको छ ।
त्यस्तै, हर्मुज जलमार्गको नियन्त्रण अर्को प्रमुख विवादको विषय बनेको थियो । विश्व ऊर्जा आपूर्तिको महत्वपूर्ण मार्ग मानिने यस जलमार्गमा आफ्नो नियन्त्रण कायम राख्नुपर्ने इरानको अडान र त्यसमा अन्तर्राष्ट्रिय पहुँच सुनिश्चित गर्नुपर्ने अमेरिकी मागबीच सहमति जुट्न सकेन । इरानले वार्ताका क्रममा विदेशमा रोक्का भएको आफ्नो सम्पत्तिमा पहुँच, युद्ध क्षतिपूर्ति र क्षेत्रीय युद्धविरामजस्ता मागहरू पनि अघि सारेको थियो । यता, अमेरिकाले ती मागलाई अस्वीकार्य ठानेको बताइएको छ । यद्यपि, दुवै पक्षले वार्ता पूर्ण रूपमा समाप्त नभएको संकेत दिएका छन् । भविष्यमा पुनः वार्ता हुन सक्ने सम्भावना खुला राख्दै कूटनीतिक सम्पर्क जारी रहने बताइएको छ ।
प्रतिक्रिया