
१राहत अनुदान शिक्षकको अवस्था र ट्रेड युनियन अधिकार
२बमको दर्शन
३यू्रोपमा भईरहेको आन्दोलनबाट नेपालका कम्युनिस्टले सिक्नुपर्ने शिक्षाहरु
४कार्यकर्ता नीतिबारे
५मातृभक्षणवादको नयाँ सिद्धान्त – २
६मातृभक्षणवादको नयाँ सिद्धान्त
७सांसद खगेन्द्र सुनारमाथि छानबिन गरी कारबाही गर्न महिला संगठनको माग
८चाडपर्वमा कालोबजारी, मदिरा र यातायात मनपरी नियन्त्रण गर्न नेकपा (बहुमत) दार्चुलाको माग
९नेसनल मेडिकल कलेज विरुद्ध अखिल (क्रान्तिकारी)द्वारा संघर्षको चेतावनी
११नेकपा (बहुमत) को प्रथम राष्ट्रिय सम्मेलन सम्पन्न, दिपक महासचिव चयन
१२वैचारिक संघर्षबारे
काठमाडौं, वैशाख । नेपाल कम्युनिष्ट पार्टी (बहुमत) ले १३७औँ अन्तर्राष्ट्रिय मजदुर दिवसको अवसरमा प्रेस वक्तव्य जारी गर्दै श्रमिक अधिकार, सामाजिक न्याय र वर्गीय समानताको पक्षमा संघर्षलाई निरन्तरता दिन आह्वान गरेको छ । पार्टी महासचिव कञ्चनद्धारा जारी विज्ञप्तिमार्फत अमेरिकाको शिकागोमा भएको ऐतिहासिक मजदुर आन्दोलनलाई स्मरण गर्दै ८ घण्टा कार्यावधिको मागले विश्वभर श्रमिक आन्दोलनलाई दिशा दिएको उल्लेख गरेको छ । उक्त आन्दोलनले पूँजीवादी शोषणविरुद्ध श्रमिक वर्गको ऐतिहासिक उपलब्धि स्थापित गरेको पार्टीको भनाइ छ ।
वक्तव्यमा आजको विश्व व्यवस्थामा पूँजीवादी शक्तिहरूको एकाधिकार बढ्दै गएको, विज्ञान–प्रविधिको विकासको फाइदा सीमित वर्गमा केन्द्रित भएको र श्रमिकहरू बेरोजगारी, अभाव तथा अपमानजनक जीवन बिताउन बाध्य भएको उल्लेख गरिएको छ । साथै, नेपाली श्रमिकहरू ठूलो संख्यामा वैदेशिक रोजगारीमा जान बाध्य भएको अवस्थाप्रति पनि चिन्ता व्यक्त गरिएको छ ।
पार्टीले वर्तमान राजनीतिक परिस्थितिमा श्रमिक अधिकारमाथि हस्तक्षेप बढेको, ट्रेड युनियन अधिकार सीमित गर्ने प्रयास भइरहेको र भूमाफिया तथा दलाल पूँजीपतिहरूको प्रभाव बढ्दै गएको आरोप लगाएको छ । वक्तव्यमा देशभित्र तथा विदेशमा रहेका सम्पूर्ण नेपाली श्रमिकलाई एकजुट भई गाँस, बास, कपास, शिक्षा, स्वास्थ्य र रोजगारी सुनिश्चित गर्ने संघर्षमा सक्रिय हुन अपील गरिएको छ । साथै पार्टीले मजदुर दिवसको अवसरमा सम्पूर्ण श्रमिक वर्गप्रति ऐक्यबद्धता व्यक्त गरेको छ ।
प्रतिक्रिया