
१राहत अनुदान शिक्षकको अवस्था र ट्रेड युनियन अधिकार
२बमको दर्शन
३यू्रोपमा भईरहेको आन्दोलनबाट नेपालका कम्युनिस्टले सिक्नुपर्ने शिक्षाहरु
४कार्यकर्ता नीतिबारे
५मातृभक्षणवादको नयाँ सिद्धान्त – २
६मातृभक्षणवादको नयाँ सिद्धान्त
७सांसद खगेन्द्र सुनारमाथि छानबिन गरी कारबाही गर्न महिला संगठनको माग
८चाडपर्वमा कालोबजारी, मदिरा र यातायात मनपरी नियन्त्रण गर्न नेकपा (बहुमत) दार्चुलाको माग
९नेसनल मेडिकल कलेज विरुद्ध अखिल (क्रान्तिकारी)द्वारा संघर्षको चेतावनी
११नेकपा (बहुमत) को प्रथम राष्ट्रिय सम्मेलन सम्पन्न, दिपक महासचिव चयन
१२वैचारिक संघर्षबारे
काठमाडौं, वैशाख २५ । नेपाल कम्युनिष्ट पार्टी (बहुमत) ले लिपुलेक, लिम्पियाधुरा र कालापानी क्षेत्रबाट भारतीय सैन्य उपस्थिति हटाउन माग गरेको छ । पार्टी महासचिव कञ्चनद्धारा जारी प्रेस वक्तव्यमा उक्त क्षेत्र नेपालको भूमि भएको दाबी गर्दै भारतले लामो समयदेखि नियन्त्रणमा राख्दै आएको जनाएको हो । पार्टीका अनुसार भारत र चीनबीच आगामी जुन २०२६ देखि लिपुलेक नाका प्रयोग गरी तीर्थाटन, यातायात तथा व्यापार सञ्चालन गर्ने सहमति सार्वजनिक भइसकेको छ । यस विषयमा नेपाल सरकारले कूटनीतिक नोट पठाइसकेको र भारत सरकारको प्रतिक्रिया समेत सार्वजनिक भइसकेको वक्तव्यमा उल्लेख गरिएको छ ।
वक्तव्यमा भारतले लिम्पियाधुरा, लिपुलेक र कालापानीसहित नेपालका विभिन्न स्थानमा सीमा अतिक्रमण गरेको आरोप लगाइएको छ । पार्टीले नेपालको सार्वभौमिकताको सम्मान गर्दै विवादित क्षेत्रबाट भारतीय सेना फिर्ता हुनुपर्ने माग गरेको छ । त्यसैगरी, कैलाश मानसरोवर तीर्थयात्रा, दुई देशबीच आवागमन तथा व्यापारलाई मानवतावादी र अन्तर्राष्ट्रिय सम्बन्धको आधारमा सञ्चालन गर्नुपर्ने धारणा पार्टीले राखेको छ । नेपाल–भारत र नेपाल–चीन सीमामा भन्सार व्यवस्थापन गर्दै त्रिपक्षीय सहकार्यमार्फत क्षेत्रीय सुरक्षा, जनसम्बन्ध र आर्थिक समृद्धि बढाउन सकिने पार्टीको भनाइ छ । पार्टीले नेपाल सरकारलाई राष्ट्रिय हित र क्षेत्रीय सन्तुलनलाई ध्यानमा राख्दै आवश्यक पहल गर्न आग्रह गरेको छ ।

प्रतिक्रिया