प्योङयाङ । उत्तर कोरियाले आफ्नो आणविक नीति अझ कडा बनाउँदै सर्वोच्च नेतृत्वमाथि कुनै पनि प्रकारको हमला भए स्वचालित रूपमा परमाणु प्रतिआक्रमण गर्ने घोषणा गरेको छ । नयाँ प्रावधानअनुसार देशका सर्वोच्च नेता प्ष्m व्यलन ग्ल मारिए वा विदेशी आक्रमणका कारण नेतृत्व गर्न असक्षम बने तत्काल परमाणु हमला सुरु गरिने बताइएको छ । उत्तर कोरियाले हालै आफ्नो संविधान तथा राष्ट्रिय सुरक्षा नीतिमा संशोधन गर्दै यस्तो व्यवस्था लागू गरेको अन्तर्राष्ट्रिय सञ्चार माध्यमहरूले जनाएका छन् । प्योङयाङले यसलाई देशको नेतृत्व र सार्वभौमिकता जोगाउन आवश्यक सुरक्षा रणनीति भएको दाबी गरेको छ । यो निर्णय गत मार्चमा त्भजचबल मा भएको आक्रमणपछि आएको बताइएको छ । उक्त घटनामा ब्ष् िप्जबmभलभष् सहित इरानका केही उच्च अधिकारी प्रभावित भएको रिपोर्ट सार्वजनिक भएपछि उत्तर कोरिया थप सतर्क बनेको विश्लेषण गरिएको छ ।
दक्षिण कोरियाको ल्बतष्यलब िक्ष्लतभििष्नभलअभ क्भचखष्अभ का अनुसार प्योङयाङले आफू पनि भविष्यमा ‘शीर्ष नेतृत्व हटाउने’ प्रकारको विदेशी हमलाको निशानामा पर्न सक्ने निष्कर्ष निकालेको छ । त्यसपछि उत्तर कोरियाले आफ्नो सुरक्षा तथा प्रतिरक्षा नीति पुनरावलोकन गर्दै आणविक प्रतिक्रिया प्रणालीलाई अझ आक्रामक बनाएको बताइएको छ । विश्लेषकहरूका अनुसार नयाँ नीतिले उत्तर कोरियाले नेतृत्वमाथिको कुनै पनि आक्रमणलाई सीधै परमाणु युद्धको कारण मान्ने संकेत दिएको छ । यस कदमले कोरियाली प्रायद्वीपसहित अन्तर्राष्ट्रिय सुरक्षामा थप तनाव उत्पन्न हुने चिन्ता व्यक्त गरिएको छ ।