
१राहत अनुदान शिक्षकको अवस्था र ट्रेड युनियन अधिकार
२बमको दर्शन
३यू्रोपमा भईरहेको आन्दोलनबाट नेपालका कम्युनिस्टले सिक्नुपर्ने शिक्षाहरु
४कार्यकर्ता नीतिबारे
५मातृभक्षणवादको नयाँ सिद्धान्त – २
६मातृभक्षणवादको नयाँ सिद्धान्त
७सांसद खगेन्द्र सुनारमाथि छानबिन गरी कारबाही गर्न महिला संगठनको माग
८चाडपर्वमा कालोबजारी, मदिरा र यातायात मनपरी नियन्त्रण गर्न नेकपा (बहुमत) दार्चुलाको माग
९नेसनल मेडिकल कलेज विरुद्ध अखिल (क्रान्तिकारी)द्वारा संघर्षको चेतावनी
११नेकपा (बहुमत) को प्रथम राष्ट्रिय सम्मेलन सम्पन्न, दिपक महासचिव चयन
१२वैचारिक संघर्षबारे
काठमाडौं, असार १० । चार कम्युनिस्ट पार्टीहरू सम्मिलित केन्द्रीय संयुक्त संघर्ष समितिले सुकुम्बासीहरूलाई उचित व्यवस्थापन नगरी होल्डिङ सेन्टर खाली गर्न दिएको निर्देशनप्रति आपत्ति जनाउँदै सरकारसँग उक्त निर्णय तत्काल फिर्ता लिन माग गरेको छ । नेपाल कम्युनिस्ट पार्टी (बहुमत), क्रान्तिकारी कम्युनिस्ट पार्टी नेपाल, वैज्ञानिक समाजवादी कम्युनिस्ट पार्टी नेपाल र नेपाल कम्युनिस्ट पार्टी सम्मिलित केन्द्रीय संयुक्त संघर्ष समितिको असार १० गते बसेको बैठकले सुकुम्बासी विस्थापनको विषयलाई लिएर आन्दोलनका कार्यक्रमसमेत सार्वजनिक गरेको हो । समितिद्वारा जारी प्रेस विज्ञप्ति अनुसार सरकारले असार १२ गतेभित्र होल्डिङ सेन्टर छाड्न दिएको सूचना सुकुम्बासीहरूको उचित व्यवस्थापनविना गरिएको भन्दै त्यसको घोर भत्र्सना गरिएको छ । समितिले उक्त निर्णय तत्काल फिर्ता लिन सरकारसँग माग गरेको छ । हालै कीर्तिपुरस्थित होल्डिङ सेन्टरमा रहेका सुकुम्बासीलाई भवन खाली गर्न निर्देशन दिइएको विषय सार्वजनिक भएको थियो ।
बैठकले विस्थापित क्षेत्र तथा होल्डिङ सेन्टरमा रहेका सुकुम्बासीहरूसँग प्रत्यक्ष संवाद गर्ने निर्णय गरेको छ । साथै, सुकुम्बासी विस्थापनको विरोधमा असार १२ गते दिउसो २ बजे काठमाडौंको माइतीघर मण्डलामा विरोध प्रदर्शन गर्ने कार्यक्रम तय गरिएको जनाएको छ । यसैगरी, देशभरका प्रदेश र जिल्ला समितिहरूलाई आफ्नो क्षेत्रमा रहेका सुकुम्बासी समुदायसँग अन्तरक्रिया, भेटघाट तथा सडक संघर्षका कार्यक्रम सञ्चालन गर्न निर्देशन दिइएको संघर्ष समितिले जनाएको छ । संघर्ष समितिका संयोजक धर्मेन्द्र बास्तोला ‘कञ्चन’द्वारा हस्ताक्षरित विज्ञप्तिमा सुकुम्बासीहरूको पुनर्स्थापना र व्यवस्थापनको सुनिश्चितता नभएसम्म आन्दोलनका कार्यक्रमलाई निरन्तरता दिइने उल्लेख गरिएको छ ।
प्रतिक्रिया