काठमाडौं । बेलायतले इजरायलका दुईजना मन्त्रीमाथि बेलायत प्रवेशमा प्रतिबन्ध लगाएको छ । कब्जामा रहेको वेस्ट बैंकमा प्यालिस्टिनी समुदायमाथि पटक–पटक हिंसा भड्काएको आरोपमा उनीहरुमाथि प्रतिबन्ध लगाइएको बेलायतले जनाएको छ ।
यसका साथै ती मन्त्रीहरूको सबै सम्पत्ति पनि जफत गरिने बेलायतले जनाएको छ । बेलायतका साथै ती मन्त्रीहरूमाथि अस्ट्रेलिया, क्यानडा, न्युजिल्यान्ड र नर्वेमा पनि प्रतिबन्ध लगाइएको छ ।

बेलायतका विदेश मन्त्री डेबिड लेमीले इजरायलका राष्ट्रिय सुरक्षा मन्त्री इतामार बेन ग्वीर र वित्तमन्त्री बेजालेल स्मट्रिचलाई बेलायत प्रवेशमा प्रतिबन्ध लगाइने बताए । यसका साथै बेलायतमा रहेका उनीहरूको सबै सम्पत्ति जफत गरिने पनि उनको भनाइ छ । लेमीले उनीहरूले चरमपन्थी हिंसा भड्काउनुका साथै प्यालिस्टिनीहरूको मानवअधिकारको गम्भिर हननका लागि उक्साएको आरोप लगाए ।

इजरेल सन् १९४८ मा बेलायतको अगुवाईमा बनाइएको देश हो । जहाँ मुस्लिमहरुलाई लखेटेर दोस्रो विश्वयुद्धमा भागेर आएका यहुदीहरुलाई बसालेर इजरेल नामक देश बनाइएको थियो । त्यसबेलादेखि बेलायत र अमेरिकाको सहयोगमा पटक पटक गरी करिव ७ लाख पेलेष्टिनीहरुको हत्या गरी कयौंलाई विस्थापित गरेको बताइन्छ ।

यसको विरोधमा एकवर्ष अघि गाजाका लडाकूहरुले इजरेलमाथि धावा बोलेका थिए । त्यसपछि सुरु भएको लडाइँमा इजरेलले लगभग एक लाख पेलेष्टिनीहरुको हत्या गरिसकेको छ । गाजामा नरसंहार मच्चाउन थालेपछि इजरेली कदमको निन्दा हुँदै आएको छ । पछिल्लोचरणमा नरसंहारको उत्कर्ष देखिइरहँदा इजरेलको जन्मदाता अमेरिका र बेलायत पनि इजरेली शासकहरुको विरोध गरिरहेका छन् । यसकै निरन्तरतामा बेलायतले इजरेली मन्त्रीहरुलाई बेलायत प्रवेशमा प्रतिबन्ध लगाएको हो ।

यसबारे इजरायलले पनि प्रतिक्रिया दिएको छ । इजरायलले यसलाई अपमानजनक र निर्वाचित प्रतिनिधि तथा सरकारका सदस्यहरूमाथि यस प्रकारको प्रतिबन्ध लगाइनु दुर्भाग्यपूर्ण भएको बताएको छ । इजरेलले यतिसम्मको मानवीय अपराध गरेको छ कि गाजामा भोक र प्यासले छट्पटाइरहेका पेलेष्टिनीहरुलाई सहायताकर्मीहरुले दिने अन्न र खानापनि पठाउन दिएको छैन ।

केही दिनअघि भने चीनले दिने खाद्यान्न इजरेलले गाजामा लान नदिएको समाचार आएकोमा चीनले इजरेली शासकलाई धम्की नै दिएर खाद्यान्न गाजामा पठाएको समाचार आएको थियो ।